Tel: 7676775624 | Mail: info@yellowandred.in

Language: EN KAN

    Follow us :


ಹಿಂದುಳಿದ ವರ್ಗದ ಅಧ್ಯಕ್ಷರಿಗೆ ನಗರದಲ್ಲಿ ಸನ್ಮಾನ

Posted Date: 05 Mar, 2019

ಹಿಂದುಳಿದ ವರ್ಗದ ಅಧ್ಯಕ್ಷರಿಗೆ ನಗರದಲ್ಲಿ ಸನ್ಮಾನ

ದೇವರಾಜ ಅರಸು ಹಿಂದುಳಿದ ವರ್ಗಗಳ ಅಭಿವೃದ್ಧಿ ನಿಗಮದ ನೂತನ ಅಧ್ಯಕ್ಷರಾಗಿ ನೇಮಕವಾಗಿರುವ ಮಳವಳ್ಳಿ ಕ್ಷೇತ್ರದ ಶಾಸಕ ಡಾ ಕೆ ಅನ್ನದಾನಿ ಅವರನ್ನು ರಾಮನಗರ ಜಿಲ್ಲಾ ಎಸ್ ಸಿ ಎಸ್ ಟಿ ಅಧ್ಯಕ್ಷ ಜಯಕಾಂತ್ ಚಾಲುಕ್ಯ ಮತ್ತು ಚನ್ನಪಟ್ಟಣ ತಾಲ್ಲೂಕಿನ ಪದಾಧಿಕಾರಿಗಳು ನಗರದ ಪ್ರವಾಸಿ ಮಂದಿರದಲ್ಲಿ ಸನ್ಮಾನಿಸಿದರು.


ಸನ್ಮಾನ ಸ್ವೀಕರಿಸಿ ಮಾತನಾಡಿದ ಅಧ್ಯಕ್ಷರು ಮಳವಳ್ಳಿ ನನಗೆ ರಾಜಕೀಯ ವೇದಿಕೆಯಾದರೇ ಚನ್ನಪಟ್ಟಣ ನನ್ನ ಸಂಬಂಧಿಗಳಿರುವ ತಾಲ್ಲೂಕು, ಇಡೀ ರಾಜ್ಯದಲ್ಲಿಯೇ ನನಗೆ ಹೆಚ್ಚು ಸಂಬಂಧಿಕರಿರುವ ತಾಲ್ಲೂಕು, ಜೊತೆಗೆ ಮುಖ್ಯಮಂತ್ರಿ ಗಳ ಕ್ಷೇತ್ರವಾಗಿರುವುದರಿಂದ ಇಡೀ ಜಿಲ್ಲೆಯ ಬಡವರನ್ನು ಆರ್ಥಿಕವಾಗಿ ಮೇಲೆತ್ತಲು ಶ್ರಮಿಸುತ್ತೇನೆ ಎಂದರು.


ಇಡೀ ರಾಜ್ಯದಲ್ಲಿ ಸುಮಾರು ೪೫೦ ಪರಿಶಿಷ್ಟ ಜಾತಿ ಮತ್ತು ಪಂಗಡಗಳಿದ್ದು ಎಲ್ಲವೂ ಇದೇ ನಿಗಮಕ್ಕೆ ಒಳಪಡುವುದರಿಂದ ರಾಜ್ಯದೆಲ್ಲೆಡೆ ಸಂಚರಿಸಿ ಬಿಪಿಎಲ್ ಪಡಿತರರನ್ನು ಗುರುತಿಸಿ ಸಮಾಜದಲ್ಲಿ ಉನ್ನತ ಮಟ್ಟಕ್ಕೆ ಕರೆದೊಯ್ಯುವ ಕೆಲಸವನ್ನು ಪ್ರಾಮಾಣಿಕವಾಗಿ ಮಾಡುತ್ತೇನೆ ಎಂದು ಭರವಸೆ ವ್ಯಕ್ತಪಡಿಸಿದರು.


ಜಿಲ್ಲಾಧ್ಯಕ್ಷ ಜಯಕಾಂತ್ ಚಾಲುಕ್ಯ ಮಾತನಾಡಿ ಅನ್ನದಾನಿಯವರನ್ನು ನಾವು ಮಂತ್ರಿಯಾಗಿ ನೋಡುವ ಆಸೆ ಇತ್ತು, ಆದರೆ ನಿಗಮದ ಅಧ್ಯಕ್ಷರಾಗಿ ಅದರಲ್ಲೂ ಹಿಂದುಳಿದ ವರ್ಗದ ನಿಗಮದ ಅಧ್ಯಕ್ಷರಾಗಿ ಆಯ್ಕೆಯಾಗಿರುವುದು ನಮಗೆಲ್ಲ ಸಂತಸ ನೀಡಿದೆ, ಎಲ್ಲಾ ಹಿಂದುಳಿದ ವರ್ಗದ ಜನರಿಗೆ ಅನುಕೂಲ ಕಲ್ಪಿಸಿಕೊಡುವಂತೆ ಸಮಾಜದ ಪರವಾಗಿ ಮನವಿ ಮಾಡಿದರು.


ಸಮಾಜ ಸೇವಕ ಡಾ ಮಲ್ಲೇಶ್ ದ್ಯಾವಪಟ್ಟಣ, ಜೀವಿಕಾ ದ ಗೋವಿಂದರಾಜು, ನಗರಸಭೆ ಸದಸ್ಯರಾದ ಉಮಾಶಂಕರ್, ವಿಷಕಂಠ, ಕೆಂಚೇಗೌಡ, ನೀಲಕಂಠನಹಳ್ಳಿ ಅನಿಲ್ ವಕೀಲ ಕುಮಾರ್, ಕಲಾವಿದರಾದ ಶಿವಕುಮಾರ್, ಸರ್ವೋತ್ತಮ, ಸಿದ್ದರಾಮು ಸೇರಿದಂತೆ ಅನೇಕ ಸ್ಥಳೀಯ ಮುಖಂಡರು ಭಾಗವಹಿಸಿದ್ದರು.


ಗೋ ರಾ ಶ್ರೀನಿವಾಸ...

ಮೊ:9845856139.


ಪ್ರತಿಕ್ರಿಯೆಗಳು

  • ನಿಮ್ಮ ಅಭಿಪ್ರಾಯ ತಿಳಿಸುವಲ್ಲಿ ನೀವು ಮೊದಲಿಗರಾಗಿ.

ನಿಮ್ಮ ಅಭಿಪ್ರಾಯಗಳನ್ನು ಬರೆಯಿರಿ/ತಿಳಿಸಿ.

Top Stories »  


Top ↑