Tel: 7676775624 | Mail: info@yellowandred.in

Language: EN KAN

    Follow us :


ದೇವಾನಾಂಪ್ರಿಯ ಶಿವಲಿಂಗಯ್ಯನವರಿಗೆ ಒಲಿದ ರಾಜ್ಯೋತ್ಸವ ಪ್ರಶಸ್ತಿ

Posted Date: 30 Oct, 2019

ದೇವಾನಾಂಪ್ರಿಯ ಶಿವಲಿಂಗಯ್ಯನವರಿಗೆ ಒಲಿದ ರಾಜ್ಯೋತ್ಸವ ಪ್ರಶಸ್ತಿ

ಚನ್ನಪಟ್ಟಣ: ತಾಲ್ಲೂಕಿನ ನೀಲಕಂಠನಹಳ್ಳಿ ಗ್ರಾಮದ ತಿರುಮಲಮ್ಮ, ಎನ್ ಟಿ ಕುನ್ನಯ್ಯ ರವರ ಸುಪುತ್ರ ಇಂಡಿಯನ್ ಓವರ್ ಸೀಸ್ ಬ್ಯಾಂಕ್ ನ ನಿವೃತ್ತ ಉದ್ಯೋಗಿ ಹಾಗೂ ಸಮಾಜದ ಅಂಕುಡೊಂಕು ಗಳನ್ನು ತಿದ್ದುವಂತಹ ನಾಟಕಗಳನ್ನು ನಿರ್ದೇಶಿಸಿ ನಟಿಸುವ ಮೂಲಕ ೪೬ ವರ್ಷಗಳ ಸುಧೀರ್ಘ ಕಾಲ ಸತತವಾಗಿ ಕಲೆಯನ್ನು ಇಂದಿಗೂ ಆರಾಧಿಸಿಕೊಂಡು ಬರುತ್ತಿರುವ ಶಿವಲಿಂಗಯ್ಯ ನವರಿಗೆ ಈ ಬಾರಿಯ ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ ಒಲಿದು ಬಂದಿದೆ.


*ಶ್ರೀಯುತರ ಬಗ್ಗೆ ಒಂದಿಷ್ಟು;*


ಒಂದು ಮತ್ತು ಎರಡನೇ ತರಗತಿಯನ್ನು ಹುಟ್ಟೂರು ನೀಲಕಂಠನಹಳ್ಳಿಯ ಸರ್ಕಾರಿ ಶಾಲೆಯಲ್ಲೇ ಓದಿದ ಅವರು ಅವರ ತಂದೆ ವರ್ಗಾವಣೆಗೊಂಡಂತೆ ಹಲವಾರು ಊರುಗಳಲ್ಲಿ ವಿದ್ಯಾಭ್ಯಾಸ ಮುಂದುವರೆಸಿ ಮೈಸೂರು ವಿಶ್ವವಿದ್ಯಾನಿಲಯದಲ್ಲಿ ಬಿಎಸ್ಸಿ ಪದವಿ ನಂತರ ಇಂಡಿಯನ್ ಓವರ್ ಸೀಸ್ ಬ್ಯಾಂಕ್ ನಲ್ಲಿ ಉದ್ಯೋಗ ಮಾಡುತ್ತಾ ತನ್ನ ಸಹವರ್ತಿಗಳು ಹಾಗೂ ಹಿರಿಯ ಅಧಿಕಾರಿಗಳ ಒಡಗೂಡಿ ಐಓಬಿ ಕನ್ನಡ ಬಳಗ ಎಂಬ ಸಂಘಟನೆಯನ್ನು ಕಟ್ಟಿ ಸತತ ೧೮ ವರ್ಷಗಳ ಕಾಲ ಕಾರ್ಯದರ್ಶಿ ಯಾಗಿ ಸಹವರ್ತಿಗಳ ಜೊತೆಗೆ ಕನ್ನಡೇತರ ಉದ್ಯೋಗಿಗಳಿಗೂ ಕನ್ನಡ ಕಲಿಸಿ ಕಲೆಯ ಗೀಳನ್ನು ಹತ್ತಿಸಿ ೩೦ ಜನರ ತಂಡವನ್ನು ಕಟ್ಟಿ ಇಂದಿಗೂ ಕಲಾರಾಧಾನೆಯಲ್ಲಿ ತೊಡಗಿರುವ ಚಿರ ರಂಗಕರ್ಮಿ ಎನ್ ಶಿವಲಿಂಗಯ್ಯನವರು.


*ಐಓಬಿ ಕನ್ನಡ ಬಳಗದಿಂದ ಅಂತರರಾಷ್ಟ್ರೀಯ ಮಟ್ಟಕ್ಕೆ*


ಐಓಬಿ ಕನ್ನಡ ಬಳಗದ ವತಿಯಿಂದ ಕನ್ನಡದ ಕಂಪನ್ನು ಪಸರಿಸುವ ಕಾರ್ಯಕ್ರಮಗಳು, ಖ್ಯಾತ ನಾಮರ ನಾಟಕಗಳನ್ನು ನಿರ್ದೇಶಿಸಿ ಪ್ರದರ್ಶನ ನೀಡುವ ಮೂಲಕ ಅಂತರರಾಜ್ಯ ಮಟ್ಟದಲ್ಲಿ ಸ್ಪರ್ಧಿಸಿ ರಾಷ್ಟ್ರ ಮಟ್ಟದ ಪ್ರಶಸ್ತಿಗಳಿಗೆ ಭಾಜನರಾಗಿದ್ದಾರೆ.


*ದೇವಾನಾಂಪ್ರಿಯ ಅಶೋಕ ಅಚ್ಚು ಮೆಚ್ಚು*


ಬುದ್ದನ ವಿಚಾರದಿಂದ ಪ್ರಭಾವಿತನಾಗಿ ಯುದ್ಧ ಮತ್ತು ಸಾಮ್ರಾಜ್ಯ ಶಾಹಿ ಧೋರಣೆಯಿಂದ ಹೊರಬಂದು ಬುದ್ಧನ ಕರುಣೆ ಮತ್ತು ಶಾಂತಿಯ ಜೊತೆಗೆ ಸಾಲು ಮರಗಳನ್ನು ನೆಟ್ಟು ಪೋಸಿಸುವ ಮೂಲಕ ದೇಶದ ಇತಿಹಾಸದಲ್ಲಿ ಅಜರಾಮರವಾಗಿ ಉಳಿದ ಸಾಮ್ರಾಟ ಅಶೋಕ ಚಕ್ರವರ್ತಿಯ ಕಥೆಯನ್ನಾಧರಿಸಿದ ದೇವಾನಾಂಪ್ರಿಯ ಅಶೋಕ ಎಂಬ ನಾಟಕ ಶಿವಲಿಂಗಯ್ಯನವರಿಗೆ ಹೆಚ್ಚು ಪ್ರಿಯವಂತೆ.

ಮಾನವೀಯ ಮೌಲ್ಯಗಳು, ಪ್ರೀತಿ ಕರುಣೆ, ಮೈತ್ರಿ ಪಾಲನೆ, ಜಾತಿ ಮತ, ಮೇಲು ಕೀಳು, ಬಡವ ಬಲ್ಲಿದ, ಎಂಬ ತಾರತಮ್ಯವನ್ನು ಹೋಗಲಾಡಿಸಲು ಪ್ರಯತ್ನಿಸಿದ್ದು ಇದೇ ಸಾಮ್ರಾಟರು. ಮನುಕುಲದ ಒಳಿತಿಗಾಗಿ ಇವುಗಳನ್ನು ನಮ್ಮ ಜೀವನದಲ್ಲಿ ಅಳವಡಿಸಿಕೊಳ್ಳಬೇಕೆಂಬುದು ಅವರ ವಾದ.


*ಅಶೋಕ, ಅಂಗೂಲಿ, ಅಮರಪಾಲಿ, ಅಂಬೇಡ್ಕರ್*


ದೇವಾನಾಂಪ್ರಿಯ ಅಶೋಕ ನಾಟಕವು ಈಗಾಗಲೇ ೬೦ ಪ್ರದರ್ಶನಗಳನ್ನು ಕಂಡರೆ ಅದೇ ಬುದ್ದನಿಂದ ಪ್ರೇರಣೆಗೊಂಡ ಅಂಗೂಲಿಮಾಲ ೩೦, ಮಹಾಪೂರ್ಣಿಮಾ (ಅಮರಪಾಲಿ ಇತಿಹಾಸ) ೩೦ ಕಿಸಾಗೋತಮಿ ಮತ್ತು ಪುನಾಲಾ ತಲಾ ೧೦ ಪ್ರದರ್ಶನಗಳನ್ನು ಕಂಡಿದೆ. ಇವುಗಳಲ್ಲದೆ ಸಂವಿಧಾನ ಶಿಲ್ಪಿ ಡಾ ಬಿ ಆರ್ ಅಂಬೇಡ್ಕರ್ ರವರ ಜೀವನ ಚರಿತ್ರೆ, ಬೆಳ್ಳಕ್ಕಿ ಹಿಂಡು ಬೆದರಾವೋ, ಬೆಳೆದವರು, ಲಂಕೇಶ್ ರವರ ಈಡಿಪಸ್, ಸ್ವರಚಿತ ತಾಯಿ ಯಶೋಧರಾ, ಬಸವಣ್ಣನವರ ಕೂಡಲ ಸಂಗಮ ನಾಟಕಗಳನ್ನು ನಿರ್ದೇಶಿಸಿ ಪ್ರದರ್ಶನ ನೀಡಿದ್ದಾರೆ.


*ಸಾಕ್ಷ್ಯಚಿತ್ರ, ಧಾರಾವಾಹಿ ಮತ್ತು ದಲಿತ ಚಳುವಳಿ*


ಡಾ ಅಂಬೇಡ್ಕರ್ ಮತ್ತು ಶ್ರೀ ಕೃಷ್ಣ ದೇವಾರಾಯ ರವರ ಹಳೆಯ ಚಿತ್ರಗಳನ್ನು ಸಂಗ್ರಹಿಸಿ ಪ್ರದರ್ಶನ,  ಮಕ್ಕಳ ಹಕ್ಕುಗಳ ಆಯೋಗ, ನ್ಯಾಯಾಂಗ, ಅರಣ್ಯ ಸೇರಿದಂತೆ ಅನೇಕ ಇಲಾಖೆಗಳಿಗೆ ಸಾಕ್ಷ್ಯಚಿತ್ರ ನಿರ್ಮಾಣ ಮತ್ತು ನಿರ್ದೇಶನ, ನೂರಾರು  ಧಾರಾವಾಹಿಗಳ ನಿರ್ದೇಶನ ಮತ್ತು ನಟನೆ, ಬೀದಿ ನಾಟಕಗಳನ್ನು ಪ್ರದರ್ಶನ ನೀಡಿ ಅನೇಕ ದಲಿತ ಪರ ಚಳವಳಿಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದಾರೆ.


*ನನ್ನಲ್ಲಿರುವ ಕಲಾವಿದನನ್ನು ಗುರುತಿಸಿ ಪ್ರಶಸ್ತಿ ಗೆ ಆಯ್ಕೆ ಮಾಡಿದ ಕನ್ನಡ ಸಂಸ್ಕೃತಿ ಇಲಾಖೆ ಮತ್ತು ಸರ್ಕಾರಕ್ಕೆ ನಾನು ಅಭಾರಿಯಾಗಿದ್ದೇನೆ, ಈ ಪ್ರಶಸ್ತಿಯನ್ನು ನನ್ನ ಮೊದಲ ಗುರು ರಾಜಾರಾಮ್ ಗಿರಿಯನ್ ಮತ್ತು ನನ್ನ ತಂಡದ ಸಮಸ್ತರಿಗೆ ಅರ್ಪಿಸುತ್ತೇನೆ.*

*ಸರ್ಕಾರ ಮತ್ತು ಸಮಾನ ಮನಸ್ಕರು ಕೈಜೋಡಿಸಿದರೆ ನನ್ನ ಜೀವನಾಡಿ ಚನ್ನಪಟ್ಟಣದಲ್ಲಿ ಒಂದು ರಂಗಮಂದಿರ ನಿರ್ಮಿಸುವಾಸೆ ಇದೆ.*

*ಎನ್ ಶಿವಲಿಂಗಯ್ಯ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತರು.*


*೯೩/೯೪ ರಲ್ಲಿ ನನ್ನೂರು ನೀಲಕಂಠನಹಳ್ಳಿ ಗ್ರಾಮದಲ್ಲಿ ಕೇವಲ ಬಿಳಿ ಪರದೆಯನ್ನು ಮಾತ್ರ ಬಳಸಿ (ಸೀನರಿ ಇಲ್ಲದೆ) ಕುರುಕ್ಷೇತ್ರ ನಾಟಕವನ್ನು ಪ್ರದರ್ಶನ ಮಾಡಿದ್ದರು, ಈ ನಾಟಕವನ್ನು ಗರಿಷ್ಠ ೫,೦೦೦ ಮಂದಿ ವೀಕ್ಷಿಸಿದ್ದರು.*

*ಗುರುಮೂರ್ತಿ, ಹಿರಿಯ ಪತ್ರಕರ್ತರು.*


* ಸಾಹಿತಿ ನೀ ತಾ ಶಿವಾನಂದ, ಚಲನಚಿತ್ರ ನಿರ್ದೇಶಕ ಶಿವರುದ್ರಯ್ಯ ಮತ್ತು ಶಿವಲಿಂಗಯ್ಯ ನವರು ನಮ್ಮ ಗ್ರಾಮವಲ್ಲದೆ ಇಡೀ ಜಿಲ್ಲೆಯ ರತ್ನ ಮುಕುಟಗಳು, ಶಿವಲಿಂಗಯ್ಯ ನವರಿಗೆ ರಾಜ್ಯೋತ್ಸವ ಪ್ರಶಸ್ತಿ ಲಭಿಸಿರುವುದು ನಮ್ಮೆಲ್ಲರ ಹೆಮ್ಮೆ.*

*ಡಾ ಲೋಕಾನಂದ*


*ಪ್ರಶಸ್ತಿ ಯಾರಿಗೆ ಸಲ್ಲಬೇಕೋ ಅವರಿಗೆ ಸಂದಿದೆ, ಸರಳಸಜ್ಜನ, ಮೆದುಭಾಷಿ ಶಿವಲಿಂಗಯ್ಯ ನವರಿಗೆ  ಪ್ರಶಸ್ತಿಯೇ ಹುಡುಕಿಕೊಂಡು ಬಂದಿರುವುದು ಸಂತಸದ ವಿಷಯ. ಸಾಮಾಜಿಕ ಪರಿವರ್ತನೆಯ ಇನ್ನಷ್ಟು ನಾಟಕಗಳು ಅವರಿಂದ ಹೊರಹೊಮ್ಮಲಿ*

*ಡಾ ಮಹೇಂದ್ರ*


*ಗೋ ರಾ ಶ್ರೀನಿವಾಸ...*

*ಮೊ:9845856139.*

ಪ್ರತಿಕ್ರಿಯೆಗಳು

  • ನಿಮ್ಮ ಅಭಿಪ್ರಾಯ ತಿಳಿಸುವಲ್ಲಿ ನೀವು ಮೊದಲಿಗರಾಗಿ.

ನಿಮ್ಮ ಅಭಿಪ್ರಾಯಗಳನ್ನು ಬರೆಯಿರಿ/ತಿಳಿಸಿ.

Recent news in arts »

ದೇವಾನಾಂಪ್ರಿಯ ಶಿವಲಿಂಗಯ್ಯನವರಿಗೆ ಒಲಿದ ರಾಜ್ಯೋತ್ಸವ ಪ್ರಶಸ್ತಿ
ದೇವಾನಾಂಪ್ರಿಯ ಶಿವಲಿಂಗಯ್ಯನವರಿಗೆ ಒಲಿದ ರಾಜ್ಯೋತ್ಸವ ಪ್ರಶಸ್ತಿ

ಚನ್ನಪಟ್ಟಣ: ತಾಲ್ಲೂಕಿನ ನೀಲಕಂಠನಹಳ್ಳಿ ಗ್ರಾಮದ ತಿರುಮಲಮ್ಮ, ಎನ್ ಟಿ ಕುನ್ನಯ್ಯ ರವರ ಸುಪುತ್ರ ಇಂಡಿಯನ್ ಓವರ್ ಸೀಸ್ ಬ್ಯಾಂಕ್ ನ ನಿವೃತ್ತ ಉದ್

ಶಾಲೆಗಳಲ್ಲಿ ರಂಗ ಶಿಕ್ಷಕರ ನೇಮಿಸಿ

ಬೆಂಗಳೂರು: ರಾಜ್ಯದಲ್ಲಿರುವ ಸರ್ಕಾರಿ ಹಾಗೂ ಅನುದಾನಿತ ಶಿಕ್ಷಣ ಸಂಸ್ಥೆಗಳಲ್ಲಿ ಪ್ರಸ್ತಕ ಸಾಲಿನಿಂದ ರಂಗ ಶಿಕ್ಷಕರನ್ನು ನೇಮಿಸಿ, ರಂಗ ಪದವೀಧರರಿಗೆ ಉದ್ಯೋಗ ಒದಗಿಸುವಂತೆ ಕರ್ನಾಟಕ ನಾಟಕ ಅಕಾಡೆಮಿ ಒತ್ತಾಯಿಸಿದೆ.

"ನಾಡೋಜ ಹೆಚ್ ಎಲ್ ನಾಗೇಗೌಡ ರಾಷ್ಟ್ರೀಯ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ "

ಕರ್ನಾಟಕ ಜಾನಪದ ಪರಿಷತ್ತು ಬೆಂಗಳೂರು ವತಿಯಿಂದ ದಿನಾಂಕ 26/06/2018 ನೇ ಮಂಗಳವಾರ ಸಂಜೆ 05:00 ಗಂಟೆಗೆ ಬೆಂಗಳೂರಿನ ಜೆ ಸಿ ರಸ್ತೆಯಲ್ಲಿರುವ ರವೀಂದ್ರ ಕಲಾಕ್ಷೇತ್ರದಲ್ಲಿ ಖ್ಯಾತ ತೊಗಲುಗೊಂಬೆ ಕಲಾವಿದ ನಾಡೋಜ ಶ್ರೀ ಬೆಳಗಲ್ಲು ವೀರಣ್ಣ ರವರಿಗ

ಜಾನಪದ ಲೋಕದ ತಿಂಗಳ ಅತಿಥಿ ಸೋಬಾನೆ ಪದ ಗಾಯಕ ಕೃಷ್ಣೇಗೌಡ.
ಜಾನಪದ ಲೋಕದ ತಿಂಗಳ ಅತಿಥಿ ಸೋಬಾನೆ ಪದ ಗಾಯಕ ಕೃಷ್ಣೇಗೌಡ.

ರಾಮನಗರ : ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ವತಿಯಿಂದ ಅರ್ಹ ಸಂಸ್ಥೆ, ಕಲಾವಿದರಿಗೆ ಅನುದಾನ ದೊರೆಯುವುದಿಲ್ಲ ಎಂದು ಸೋಬಾನೆ ಪದ ಗಾಯಕ ಕೃಷ್ಣೇಗೌಡ ಬೇಸರ ವ್ಯಕ್ತಪಡಿಸಿದರು. 
    ಇಲ್ಲಿನ ಜಾನಪದ ಲೋಕದಲ್ಲಿ ಕರ್

ಅರ್ಜಿ ಆಹ್ವಾನ

ರಾಮನಗರ :- ರಾಜ್ಯ ಜಾನಪದ ಅಕಾಡೆಮಿ ವತಿಯಿಂದ 2016-17ನೇ ಸಾಲಿನಲ್ಲಿ ಗಿರಿಜನ ಉಪಯೋಜನೆಯಡಿ ಪರಿಶಿಷ್ಟ ಪಂಗಡದ ಶಿಬಿರಾರ್ಥಿಗಳಿಗೆ ಜಾನಪದ ಗಾಯನ ಕಲಿಕಾ ತರಬೇತಿ ಶಿಬಿರದಲ್ಲಿ ತರಬೇತಿ ನೀಡಲು ಅರ್ಹ ಆಸಕ್ತ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಲಾಗ

Top Stories »  


Top ↑