ಹುಬ್ಬಳ್ಳಿ: ಮುಖ್ಯಮಂತ್ರಿ ಸಿದ್ದರಾಮಯ್ಯ ಪದೇ ಪದೇ ಕುಮಾರಸ್ವಾಮಿ ಅಪ್ಪಣಾಣೆಗೂ ಸಿಎಂ ಆಗಲ್ಲ ಎಂದು ಹೇಳಿಕೆ ನೀಡುತ್ತಿದ್ದಾರೆ. ಈಗ ನಾನು ಹೇಳುತ್ತಿದ್ದೇನೆ ಅವರಪ್ಪನಾಣೆಗೂ ಚಾಮುಂಡಿ ಕ್ಷೇತ್ರದಲ್ಲಿ ಅವರು ಗೆಲ್ಲಲಾರರು ಎಂದು ಜೆಡಿಎಸ್ ರಾಜ್ಯಾಧ್ಯಕ್ಷ ಕುಮಾರಸ್ವಾಮಿ ಪ್ರತಿಕ್ರಿಯಿಸಿದ್ದಾರೆ.

ನಗರದಲ್ಲಿ ಮಾತನಾಡಿ, ಕುತಂತ್ರ ಹಾಗೂ ಅಸಂಬದ್ಧ ರಾಜಕೀಯ ಮಾಡುವುದರಲ್ಲಿಯೇ ಐದು ವರ್ಷ ಮುಖ್ಯಮಂತ್ರಿಯಾಗಿದ್ದ ಸಿದ್ದರಾಮಯ್ಯರಿಗೆ ಸಾರ್ವಜನಿಕ ಜೀವನದಲ್ಲಿ ಹೇಗೆ ಮಾತನಾಡಬೇಕೆನ್ನುವುದೇ ಇನ್ನೂ ತಿಳಿದಿಲ್ಲ. ರಾಜಕೀಯವನ್ನು ರಾಜಕೀಯವಾಗಿಯೇ ನೋಡಬೇಕೆ ವಿನಃ, ಅಪ್ಪ, ಅಮ್ಮ ಎನ್ನುತ್ತ ವೈಯಕ್ತಿಕ ವಿಷಯ ತರಬಾರದು. ಕೀಳುಮಟ್ಟದ ರಾಜಕೀಯಕ್ಕೆೆ ಹೆಸರಾಗಿರುವ ಸಿದ್ದರಾಮಯ್ಯರಿಗೆ ಜೆಡಿಎಸ್‌ನಿಂದ ಸೋಲಿನ ಭೀತಿ ಎದುರಾಗಿದೆ. ಮಾತಿನ ಮೂಲಕವಾದರೂ ಜೆಡಿಎಸ್‌ನ್ನು ಕುಗ್ಗಿಿಸಬಹುದು ಎಂದುಕೊಂಡಿದ್ದಾಾರೆ. ಅದಕ್ಕಾಾಗಿ ಪದೇ ಪದೇ ಕುಮಾರಸ್ವಾಮಿ ಅಪ್ಪನಾಣೆ ಹಾಕುತ್ತ ತಿರುಗಾಡುತ್ತಿದ್ದಾರೆ. ಅವರಿಗೆ ಗೆಲ್ಲುವ ಸಾಮರ್ಥ್ಯವಿದ್ದರೆ ಚಾಮುಂಡಿ ಕ್ಷೇತ್ರದಲ್ಲಿ ಗೆದ್ದುಬರಲಿ ನೋಡೋಣ. ಅವರಪ್ಪನಾಣೆಗೂ ಅವರು ಅಲ್ಲಿ ಗೆಲ್ಲಲಾರರು. ಬೇಕಾದರೆ ಅವರು ಈ ಸವಾಲನ್ನು ಸ್ವೀಕರಿಸಿ ಎಂದರು.

ಚಾಮುಂಡೇಶ್ವರಿ ವಿಧಾನಸಭಾ ಕ್ಷೇತ್ರವಷ್ಟೇ ಅಲ್ಲ ರಾಜ್ಯದ ಯಾವುದೇ ಕ್ಷೇತ್ರದಲ್ಲೂ ಸಿದ್ದರಾಮಯ್ಯ ಸ್ಪರ್ಧಿಸಲಿ. ನಾವು ಅಲ್ಲಿಯೂ ಅವರ ವಿರುದ್ಧ ತೊಡೆತಟ್ಟುತ್ತೇವೆ. ಈವರೆಗೆ ನಮ್ಮದು ಕೇವಲ ಜೆಡಿಎಸ್ ಅಭ್ಯರ್ಥಿಗಳನ್ನು ಗೆಲ್ಲಿಸುವುದಷ್ಟೇ ಪ್ರಮುಖವಾಗಿತ್ತು. ಪದೇ ಪದೇ ಅಪ್ಪನಾಣೆ ಹಾಕುವ ಮೂಲಕ ಸಹನೆಯನ್ನು ಪರೀಕ್ಷಿಿಸುತ್ತಿದ್ದಾರೆ. ಇದೀಗ ನಾವು ಸಹ ಸಿದ್ಧವಾಗಿದ್ದು, ನಮ್ಮ ಅಭ್ಯರ್ಥಿಗಳ ಗೆಲುವಿನ ಜತೆಗೆ ಅವರನ್ನು ಹಾಗೂ ಕಾಂಗ್ರೆೆಸ್ ಅಭ್ಯರ್ಥಿಗಳನ್ನು ಸೋಳಿಸುವುದು ನಮ್ಮ ಧ್ಯೇಯವಾಗಿದೆ. ಬೇಕಾದರೆ ಅವರು ನಮ್ಮ ವಿರುದ್ಧ ಸೆಣಸಾಡಲಿ. ಜೆಡಿಎಸ್ ತಾಕತ್ತು ಏನೆಂಬುದು ಈ ಚುನಾವಣೆಯಲ್ಲಿ ರಾಜ್ಯದ ಜನತೆ ಮೂಲಕ ಅವರಿಗೆ ಅರಿವು ಮಾಡಿಸಿಕೊಡುತ್ತೇವೆ ಎಂದರು.

ಬಿಎಸ್ಪಿ ಹಾಗೂ ಜೆಡಿಎಸ್ ಪಕ್ಷಗಳು ಜೊತೆಗೂಡಿ ಸ್ಪರ್ಧಿಸಲಿದ್ದು, 20 ಕ್ಷೇತ್ರಗಳಲ್ಲಿ ಬಿಎಸ್ಪಿ ಸ್ಪರ್ಧೆ ಮಾಡಲಿದೆ. ಬಿಎಸ್ಪಿ ಮುಖ್ಯಸ್ಥೆೆ ಮಾಯಾವತಿ ರಾಜ್ಯಕ್ಕೆ ಆಗಮಿಸುವ ದಿನಾಂಕ ಇನ್ನೂ ನಿಗದಿಯಾಗಿಲ್ಲ. ದಿನಾಂಕ ಅಂತಿಮವಾದ ಮೇಲೆ ರಾಯಚೂರು, ಬೆಳಗಾವಿ, ಹುಬ್ಬಳ್ಳಿ, ಶಿವಮೊಗ್ಗ ಭಾಗಗಳಲ್ಲಿ ಅವರ ಜತೆ ಎಚ್.ಡಿ. ದೇವೇಗೌಡರು ಸಾರ್ವಜನಿಕ ಸಮಾವೇಶ ನಡೆಸಲಿದ್ದಾಾರೆ. ಹಾಗಂತ ಬಿಎಸ್ಪಿ ಜತೆ ಜೆಡಿಎಸ್ ಯಾವುದೇ ಒಳ ಒಪ್ಪಂದ ಮಾಡಿಕೊಂಡಿಲ್ಲ ಎಂದು ಸ್ಪಷ್ಟಪಡಿಸಿದ ಕುಮಾರಸ್ವಾಮಿ, ಎರಡೂ ಪಕ್ಷಗಳು ನೇರ ಚುನಾವಣೆ ಎದುರಿಸಲಿದೆ ಎಂದರು.

ನಾನೇ ಕಿಂಗ್!
ನಾನು ಯಾವತ್ತೂ ಕಿಂಗ್ ಮೇಕರ್ ಆಗಲ್ಲ, ಕಿಂಗ್ ಆಗುತ್ತೇನೆ. ಹಳೆ ಕರ್ನಾಟಕ ಭಾಗದಲ್ಲಿ ಜೆಡಿಎಸ್ ಸುಮಾರು 75ಕ್ಕೂ ಅಧಿಕ ಸ್ಥಾನದಲ್ಲಿ ಗೆಲ್ಲುವ ಭರವಸೆಯಿದೆ. ಉತ್ತರ ಕರ್ನಾಟಕ ಭಾಗದಲ್ಲಿ 45 ಕ್ಕೂ ಅಧಿಕ ಸ್ಥಾನ ಗೆದ್ದೇ ಗೆಲ್ಲುತ್ತೇವೆ. ರಾಜ್ಯದಲ್ಲಿ ಒಟ್ಟು 113 ಸ್ಥಾನ ಗೆಲ್ಲುವ ವಿಶ್ವಾಸವಿದ್ದು, ಸ್ವತಂತ್ರವಾಗಿ ಅಧಿಕಾರಕ್ಕೆೆ ಬರುತ್ತೇವೆ. ಕಾಂಗ್ರೆೆಸ್ ಹಾಗೂ ಬಿಜೆಪಿ ಸೋಲಿಸಲು ನಾವು ಸ್ಪರ್ಧೆ ಮಾಡುತ್ತಿಲ್ಲ. ನಮ್ಮ ಪಕ್ಷದ ಅಭ್ಯರ್ಥಿಗಳನ್ನ ಗೆಲ್ಲಿಸುವುದಷ್ಟೇ ನಮ್ಮ ಗುರಿ ಎಂದು ಕುಮಾರಸ್ವಾಮಿ ಹೇಳಿದರು.

(ಸಂಗ್ರಹ ವರದಿ)