Tel: 7676775624 | Mail: info@yellowandred.in

Language: EN KAN

    Follow us :


ಜಿಲ್ಲಾಡಳಿತ ನೆಟ್ಟ ಕೋಟಿ ಗಿಡಗಳೇನಾದವು ? ಬಹುತೇಕ ಗಿಡಗಳು ವಿದ್ಯುತ್ ತಂತಿಗಳ ಕೆಳಗೇ ಏಕೆ ನೆಡುತ್ತಾರೆ ? ಗಿಡಗಳ ಅರಣ್ಯರೋಧನ

Posted Date: 03 Sep, 2018

ಜಿಲ್ಲಾಡಳಿತ ನೆಟ್ಟ ಕೋಟಿ ಗಿಡಗಳೇನಾದವು ? ಬಹುತೇಕ ಗಿಡಗಳು ವಿದ್ಯುತ್ ತಂತಿಗಳ ಕೆಳಗೇ ಏಕೆ ನೆಡುತ್ತಾರೆ ? ಗಿಡಗಳ ಅರಣ್ಯರೋಧನ

ಕಳೆದ ಬಾರಿ ರಾಮನಗರ ಜಿಲ್ಲಾಡಳಿತವೂ ಜಿಲ್ಲಾದ್ಯಂತ ಕೋಟಿ ಗಿಡಗಳನ್ನು ನೆಡುವ ಕಾರ್ಯಕ್ರಮವನ್ನು ಆಯೋಜಿಸಿ ಚಾಲನೆ ನೀಡಿ ಖಾಲಿ ಇರುವ ಅರಣ್ಯ, ಗೋಮಾಳ, ಸರ್ಕಾರಿ ಬಂಜರು ಭೂಮಿ ಹಾಗೂ ರಸ್ತೆಯ ಇಕ್ಕೆಲಗಳಲ್ಲಿ ಕೋಟಿ ಗಿಡಗಳ ಹೆಸರಿನಲ್ಲಿ ಅರಣ್ಯ ಇಲಾಖೆಯ ಸಹಯೋಗದೊಂದಿಗೆ ಜಿಲ್ಲಾಡಳಿತ ಲಕ್ಷಾಂತರ ಗಿಡಗಳನ್ನು ನೆಟ್ಟು ಕೈ ತೊಳೆದುಕೊಂಡಿತ್ತು.

"ಉಳಿದಿರುವ ಗಿಡಗಳ ಲೆಕ್ಕ ಕೊಡಲಿ"

ಜಿಲ್ಲಾದ್ಯಂತ ಎತ್ತ ಹೋಗಿ ಲೆಕ್ಕ ತಂದರು ಸಹ ಕೇವಲ ಒಂದು ವರ್ಷದಲ್ಲಿ ನೆಟ್ಟ ಕೋಟಿ ಗಿಡಗಳು ಲಕ್ಷ ಲೆಕ್ಕದಲ್ಲೂ ಸಿಗದಂತಾಗಿವೆ, ಅಂದು ನೆಟ್ಟ ಗಿಡಗಳೆಲ್ಲಾ ಏನಾದವೂ ? ಕಾಡು ಮತ್ತು ಸಾಕು ಪ್ರಾಣಿಗಳು ಭಕ್ಷಿಸಿದವೇ ? ಅಥವಾ ಕೆಲವು ದುಷ್ಟ ಮನುಷ್ಯರು ಕಿತ್ತೊಗೆದರಾ ? ನೆಟ್ಟ ಗಿಡಗಳೆಲ್ಲವೂ ನೀರುಣಿಸದೇ ಒಣಗಿ ಹೋದವಾ ? ಇಲ್ಲಾ ಗುತ್ತಿಗೆದಾರರು ಗಿಡಗಳನ್ನು ನೆಡಲೇ ಇಲ್ಲವಾ ? ಸಂಬಂಧಿಸಿದ ಎಲ್ಲರೂ ನೆಟ್ಟ ಗಿಡಗಳು ಹಾಗೂ ಉಳಿದಿರುವ ಗಿಡಗಳ ಲೆಕ್ಕದೊಂದಿಗೆ ಪ್ರಾಮಾಣಿಕ ಉತ್ತರ ನೀಡಲಿ.

"ಖರ್ಚು ಮಾಡಿರುವ ಹಣ ಸಾರ್ವಜನಿಕರದ್ದು"

ಸಾರ್ವಜನಿಕರ ತೆರಿಗೆ ಹಣ ಈ ಮಟ್ಟದಲ್ಲಿ ದುರುಪಯೋಗವಾಗುವುದು ಎಷ್ಟು ಸರಿ, ಪೈಸೆ ಪೈಸೆಯನ್ನು  ಕೂಡಿಟ್ಟು ತನ್ನ ಪಾಲಿನ ತೆರಿಗೆಯನ್ನು ಕಟ್ಟುತ್ತಾನೆ, ಅದನ್ನು ಸಂಬಂಧ ಪಟ್ಟ ಇಲಾಖಾಧಿಕಾರಗಳು ಸಮರ್ಪಕವಾಗಿ ಬಳಸುವುದರ ಜೊತೆಗೆ ಶಾಶ್ವತವಾಗಿ ಸಾರ್ವಜನಿಕರಿಗೆ ಉಪಯೋಗವಾಗುವ ಕೆಲಸಗಳನ್ನು ಮಾಡಬೇಕು,

"ಹಸಿರು ಕರ್ನಾಟಕ ಅಲ್ಲಾ ! ಅದೊಂದು ಹೆಸರು ಅಷ್ಟೇ "

ಈ ಸಾಲಿನ ಮಳೆಗಾಲದಲ್ಲಿ "ಹಸಿರು ಕರ್ನಾಟಕ" ಎಂಬ ಸಂದೇಶದಡಿಯಲ್ಲಿ ರಾಜ್ಯದಾದ್ಯಂತ ರಾಜ್ಯ ಸರ್ಕಾರವೇ ಅರಣ್ಯ ಇಲಾಖೆಯಿಂದ ಗಿಡಗಳನ್ನು ರೈತರಿಗೆ ಕೊಟ್ಟು ಅವರ ಸ್ವಂತ ಭೂಮಿಯಲ್ಲಿ ಬೆಳೆಯುವಂತೆ ಪ್ರೇರೇಪಿಸುವುದು ಮತ್ತು ಖಾಲಿ ಜಾಗದಲ್ಲಿ ಗಿಡನೆಡುವ ಕೆಲಸ !?

ಅಧಿಕಾರಿಗಳ ತಲೆಯಲ್ಲೇನಿದೆ! ಪ್ರತಿವರ್ಷವೂ ಲಕ್ಷ ಕೋಟಿ ಗಿಡಗಳನ್ನು ಇವರು ಭೂಮಿ ಮೇಲೆ ನೆಡುತ್ತಾರೋ ಅಥವಾ ಆಕಾಶದಲ್ಲಿ ನೆಡುತಿದ್ದಾರೋ ಗೊತ್ತಿಲ್ಲ !

ಅಧಿಕಾರಿಗಳೇ ನೀವು ಪ್ರತಿ ವರ್ಷ ಕೋಟಿ ಗಿಡನೆಡುವುದು ಮುಖ್ಯವಲ್ಲ ಗಿಡಗಳನ್ನು ಕಾಪಾಡಲು ಸೂಕ್ತ ಕ್ರಮ ಕೈಗೊಳ್ಳಿ, ಗಿಡನೆಡಲು ಖರ್ಚು ಮಾಡುವ ಅರ್ಧ ದುಡ್ಡನ್ನು ವ್ಯಯಿಸಿದರೇ ಸಾಕು ಕನಿಷ್ಠ ನಲವತ್ತರಿಂದ ಐವತ್ತು ವರ್ಷ ಕೋಟಿ ಕೋಟಿ ಗಿಡಗಳನ್ನು ನೆಡುವ ಪ್ರಮೇಯವೇ ಬರುವುದಿಲ್ಲ ಅಲ್ಲವೇ !?.

"ನಿಜವಾದ ಪ್ರಕೃತಿ ಆರಾಧಕರಿವರು"

ನಿಮಗಿಂತ ಕೆಲವು (ಎಲ್ಲಾ ಸಂಘಟನೆಗಳು ಅಲ್ಲಾ) ಸಮಾಜಮುಖಿಯಾಗಿ ಕೆಲಸ ಮಾಡುವ ಸಂಘ ಜೀವಿಗಳು ಮಳೆಗಾಲದಲ್ಲಿ ಬೀಜದುಂಡೆಗಳನ್ನು ಅರಣ್ಯ ಮತ್ತು ಬೆಟ್ಟಗುಡ್ಡಗಳಲ್ಲಿ ಮಾತ್ರ ಹಾಕಿ ಸಾರ್ಥಕವಾಗುವಂತೆ ನೋಡಿಕೊಳ್ಳುತ್ತಾರೆ, ಇನ್ನೂ ಕೆಲವರು ವಿದ್ಯುತ್ ತಂತಿಗಳು ಇಲ್ಲದ ರಸ್ತೆ ಬದಿಯಲ್ಲಿ ಉಪಯುಕ್ತ ಗಿಡಗಳನ್ನು ನೆಟ್ಟು ಅವುಗಳಿಗೆ ಬೇಲಿ ಹಾಕಿ ವಾರಕ್ಕೊಮ್ಮೆಯಾದರೂ ನೀರು ಹಾಕಿ ಕಾಲಕಾಲಕ್ಕೆ ಸವರುವ ಮೂಲಕ ಅವುಗಳನ್ನು ಇಂದು ಹೆಮ್ಮರವಾಗಿ ಮಾಡಿದ್ದಾರೆ ಮತ್ತು ಮಾಡುತಿದ್ದಾರೆ.

ಚನ್ನಪಟ್ಟಣದಲ್ಲಿ ನಾನು ಸೇರಿದಂತೆ ಖ್ಯಾತ ಮೂಳೆ ತಜ್ಞ ಡಾ ಮಲವೇಗೌಡ ರು ಪ್ರಥಮ ಸಾಲಿನಲ್ಲಿ ನಿಲ್ಲುತ್ತಾರೆ, ಇಂದು ಕುವೆಂಪು ನಗರದ ಎರಡನೇ ತಿರುವಿನಿಂದ ಏಳನೇ ತಿರುವಿನ ತನಕ ಹಾಗೂ ಚಾನಲ್ ರಸ್ತೆ ಬದಿಯಲ್ಲಿ ಇರುವ ಗಿಡಗಳು ಇಂದು ಬಹುತೇಕ ಮರಗಳಾಗಿವೆ ಎಂದರೆ ಅಲ್ಲಿ ನಮ್ಮೆಲ್ಲರ ಶ್ರಮ ಅಡಗಿದೆ, ಡಾ ಮಲವೇಗೌಡ, ಅವರ ಪತ್ನಿ ಡಾ ಪ್ರೀತಿ ಮತ್ತು ಅವರ ಆಸ್ಪತ್ರೆಯ ಸಿಬ್ಬಂದಿಯ ಪಾತ್ರ ದೊಡ್ಡದು, ಡಾ ಶಂಕರ್, ವಿಜಯಕುಮಾರ್ ಗುಲೇಚಾ, ಯೋಗಾನಂದ, ಮಮತ, ಸಿರಿ, ಸಾವಿತ್ರಮ್ಮ, ಶ್ಯಾಮ್ ಇನ್ನೂ ಕೆಲ ಸಾಮಾಜಿಕ ಕಳಕಳಿ ಇರುವ ಸ್ನೇಹಿತರು ಸೇರಿ ಇವರ ಜೊತೆ ಸಾಧ್ಯವಾದಷ್ಟು ಕೈ ಜೋಡಿಸಿ ಪರಿಸರ ಅಭಿವೃದ್ಧಿ ಪಡಿಸಲು ಶ್ರಮವಹಿಸಿರುವುದು ಶ್ಲಾಘನೀಯ. 

ಇದೇ ತಂಡ ಹಲವು ವರ್ಷಗಳ ಕಾಲ ಸ್ವಚ್ಛ ನಗರದ ಹೆಸರಿನಲ್ಲಿ ವಾರಕ್ಕೆರಡು ಬಾರಿ ರಸ್ತೆಬದಿ,  ಚರಂಡಿಗಳನ್ನು ಸ್ವಚ್ಛ ಮಾಡಿದ್ದನ್ನು ಸ್ಮರಿಸಬಹುದು. ಇವರನ್ನು ಮೇಲ್ಪಂಕ್ತಿಯಾಗಿಟ್ಟುಕೊಂಡು ಮಾತೃಭೂಮಿ ಸೇವಾ ಟ್ರಸ್ಟ್, ಆಸರೆ ಸೇವಾ ಟ್ರಸ್ಟ್ ಇನ್ನು ಕೆಲ ಸಂಘಟನೆಯವರು ಪ್ರಾಮಾಣಿಕ ಪ್ರಯತ್ನ ಮಾಡುತ್ತಿರುವುದು ನಿಜಕ್ಕೂ ಶ್ಲಾಘನೀಯ.

"ದುಡ್ಡು ಮಾಡುವ ಯೋಜನೆ"

ಹಸಿರು ಕರ್ನಾಟಕ ಹೆಸರಿನಲ್ಲಿ ಈ ಸಾಲಿನಲ್ಲಿ ನೆಟ್ಟಿರುವ ಬಹುತೇಕ ಗಿಡಗಳು ರಸ್ತೆಬದಿಯಲ್ಲಿವೆ, ಅದರಲ್ಲೂ ಎಲ್ಲೆಲ್ಲಿ ವಿದ್ಯುತ್ ತಂತಿಗಳಿವೆಯೋ ಅಲ್ಲೇ ಗಿಡಗಳನ್ನೂ ನೆಟ್ಟಿರುವುದು ಅಧಿಕಾರಿಗಳ ಹಾಗೂ ಗುತ್ತಿಗೆದಾರರ ಅವಿವೇಕತನವನ್ನು ಹೊರಹಾಕುವಲ್ಲಿ ಅವರೇ ಸಫಲವಾಗಿದ್ದಾರೆ. ಈ ಯೋಜನೆ ರೂಪಿಸುವ ಅಧಿಕಾರಿಗಳಿಗೇನಾಗಿದೆ! ವಿದ್ಯುತ್ ತಂತಿ ಕೆಳಗೆ ಗಿಡಗಳನ್ನು ನೆಟ್ಟರೆ ಅವು ಎಷ್ಟು ಎತ್ತರ ಬೆಳೆಯುತ್ತವೆ, ಪ್ರತಿ ತಿಂಗಳು ಸಂಬಂಧ ಪಟ್ಟ ಇಲಾಖೆಯವರು ಕಡಿಯುತ್ತಲೇ ಇರುತ್ತಾರೆ ಎನ್ನುವ ಕನಿಷ್ಠ ಜ್ಞಾನವಾದರು ಇರಬೇಡವೆ ?

ಗಿಡಗಳನ್ನು ನೆಡುವಾಗ ವಿದ್ಯುತ್ ಇಲಾಖೆಯವರು ಏನು ಮಾಡುತ್ತಾರೆ, ಅರಣ್ಯ ಇಲಾಖೆಯವರು ಅನುಮತಿ ಪಡೆದಿದ್ದಾರೆಯೇ ? ಗಿಡ ಬೆಳೆದಂತೆಲ್ಲಾ ದೊಡ್ಡದಾದಾಗ ಎಲ್ಲರಿಗೂ ತೊಂದರೆ ಆಗುತ್ತದೆ ಎನ್ನುವುದು ಈ ಇಲಾಖೆಯ ಅಧಿಕಾರಿಗಳಿಗೂ ತಿಳಿದಿಲ್ಲವೇ ?

ಅಥವಾ ಎರಡು ಇಲಾಖೆಯ ಅಧಿಕಾರಿಗಳಿಗೂ ಇದೊಂದು ದಂಧೆಯಾಗಿದೆಯೆ ? ಗಿಡ ನೆಡುವ ಮೂಲಕ ಒಂದು ಇಲಾಖೆ ದುಡ್ಡು ಮಾಡಿದರೆ ಅವುಗಳನ್ನು ಕಡಿಯುವ ಮೂಲಕ ಮತ್ತೊಂದು ಇಲಾಖೆ ಕೊಳ್ಳೆ ಹೊಡೆಯಬಹುದು ಎಂಬ ದು(ದೂ)ರಾಲೋಚನೆಯ ಒಳಸಂಚುಗಳೇ ?ಸಂಬಂಧಿಸಿದ ಅಧಿಕಾರಿಗಳು ಉತ್ತರಿಸಬೇಕಾಗಿದೆ.

 

ಗೋ ರಾ ಶ್ರೀನಿವಾಸ...
ಮೊ: 9845856139.

ಪ್ರತಿಕ್ರಿಯೆಗಳು

  • Shivalingaiah gh wrote:
    05 Sep, 2018 06:43 am

    Supar Sar Summane grupos madadalla Entha mahethiyannu janarige thilisabekku

ನಿಮ್ಮ ಅಭಿಪ್ರಾಯಗಳನ್ನು ಬರೆಯಿರಿ/ತಿಳಿಸಿ.

Recent news in karnataka »

ಸಂಸ್ಕೃತಿ ಉಳಿಸುವಲ್ಲಿ ಬ್ರಾಹ್ಮಣರ ಪಾತ್ರ ಅಪಾರ: ಪುತ್ತಿಗೆಶ್ರೀ
ಸಂಸ್ಕೃತಿ ಉಳಿಸುವಲ್ಲಿ ಬ್ರಾಹ್ಮಣರ ಪಾತ್ರ ಅಪಾರ: ಪುತ್ತಿಗೆಶ್ರೀ

ಚನ್ನಪಟ್ಟಣ: ದೇಶದ ಸಂಸ್ಕೃತಿಯನ್ನು ಉಳಿಸುವಲ್ಲಿ ಬ್ರಾಹ್ಮಣರ ಪಾತ್ರ ಅಪಾರವಾಗಿದ್ದು, ಈ ನಿಟ್ಟಿನಲ್ಲಿ ಬ್ರಾಹ್ಮಣರು ಸಂಘಟಿತರಾಗಿ ಭಾರತೀಯ ಸಂಸ್ಕ

ದಂಡಾಧಿಕಾರಿಗಳಿಗೆ ಸಿಕ್ಕಿಬಿದ್ದ ನಕಲಿ ಐಎಎಸ್‌ ಅಧಿಕಾರಿ ಮತ್ತು ತಂಡ
ದಂಡಾಧಿಕಾರಿಗಳಿಗೆ ಸಿಕ್ಕಿಬಿದ್ದ ನಕಲಿ ಐಎಎಸ್‌ ಅಧಿಕಾರಿ ಮತ್ತು ತಂಡ

ಚನ್ನಪಟ್ಟಣ: ನಗರದ ಪ್ರವಾಸಿ ಮಂದಿರಕ್ಕೆ ಐಷಾರಾಮಿ ಕಾರು ಮತ್ತು ತನ್ನದೇ ಭದ್ರತಾ ಸಿಬ್ಬಂದಿಗಳ ಜೊತೆ ಆಗಮಿಸಿ ತಾಲ್ಲೂಕಿನ ಕೆಲ ಅಧಿಕಾರಿಗಳಿಂದ ಆತ

ಲಂಚ ಸ್ವೀಕರಿಸುತ್ತಿದ್ದ ಹೆದ್ದಾರಿ ಪ್ರಾಧಿಕಾರದ ಮೂವರು ಎಸಿಬಿ ಬಲೆಗೆ
ಲಂಚ ಸ್ವೀಕರಿಸುತ್ತಿದ್ದ ಹೆದ್ದಾರಿ ಪ್ರಾಧಿಕಾರದ ಮೂವರು ಎಸಿಬಿ ಬಲೆಗೆ

ರಾಮನಗರ: ಬಿಡದಿ ಹೋಬಳಿಯ ಕೆಂಚನಕುಪ್ಪೆ ಗ್ರಾಮದ ನಿವಾಸಿಯೋರ್ವರ ಜಮೀನನ್ನು ಬೆಂಗಳೂರು ಮೈಸೂರು ರಾಷ್ಟ್ರೀಯ ಹೆದ್ದಾರಿಯ ಅಗಲಿಕರಣಕ್ಕಾಗಿ ರಾಷ್ಟ್ರ

ಕರಡಿಗಳ ದಾಳಿ ಗಂಭೀರ ಗಾಯ
ಕರಡಿಗಳ ದಾಳಿ ಗಂಭೀರ ಗಾಯ

ಚನ್ನಪಟ್ಟಣ: ತಾಲ್ಲೂಕಿನ ಅರಳಾಳುಸಂದ್ರ ಗ್ರಾಮದ ಗಿರೀಶ್ ಎಂಬುವವರಿಗೆ ಎರಡು ಕರಡಿಗಳು ದಾಳಿ ನಡೆಸಿ ಗಂಭೀರ ಗಾಯಗೊಳಿಸಿವೆ.

ತೆಂಗಿ

ಮನೆಗೆ ನುಗ್ಗಿದ ಮಳೆ ನೀರು ಕುಮಾರಸ್ವಾಮಿ ಭೇಟಿ, ೫,೦೦೦ ರೂ ಪರಿಹಾರ ಘೋಷಣೆ
ಮನೆಗೆ ನುಗ್ಗಿದ ಮಳೆ ನೀರು ಕುಮಾರಸ್ವಾಮಿ ಭೇಟಿ, ೫,೦೦೦ ರೂ ಪರಿಹಾರ ಘೋಷಣೆ

ಚನ್ನಪಟ್ಟಣ: ಕಳೆದ ಎರಡು ದಿನದಿಂದ ಸುರಿದ ಮಳೆಯಿಂದಾಗಿ ಜಲಾವೃತಗೊಂಡಿದ್ದ ಬೀಡಿ ಕಾರ್ಮಿಕರ ಕಾಲೋನಿ, ಎಪಿಎಂಸಿ ಆವರಣದಲ್ಲಿರುವ ವಸತಿಗಳಿಗೆ ಭೇಟಿ

ಉಪಚುನಾವಣೆಯಲ್ಲಿ  ಮೈತ್ರಿ ಇಲ್ಲ ಹೆಚ್ಡಿಕೆ
ಉಪಚುನಾವಣೆಯಲ್ಲಿ ಮೈತ್ರಿ ಇಲ್ಲ ಹೆಚ್ಡಿಕೆ

ಮೈಸೂರು: ಉಪ ಚುನಾವಣೆ ಘೋಷಣೆಯಾಗಿರುವ ಎಲ್ಲಾ ಕ್ಷೇತ್ರಗಳಲ್ಲೂ ಜೆಡಿಎಸ್ ಪಕ್ಷವು ಸ್ವತಂತ್ರವಾಗಿ ಸ್ಪರ್ಧೆ ಮಾಡುವುದಾಗಿ ಮಾಜಿ 

ಅಕ್ಟೋಬರ್ ೨೧ ಉಪಚುನಾವಣೆ, ಅನರ್ಹ ಶಾಸಕರು ಗಡಗಡ
ಅಕ್ಟೋಬರ್ ೨೧ ಉಪಚುನಾವಣೆ, ಅನರ್ಹ ಶಾಸಕರು ಗಡಗಡ

ಬೆಂಗಳೂರು: ರಾಜ್ಯದಲ್ಲಿ ಮೈತ್ರಿ ಸರ್ಕಾರದ ೧೭ ಶಾಸಕರು ಆಪರೇಷನ್ ಕಮಲಕ್ಕೆ ಒಳಗಾಗಿ ರಾಜೀನಾಮೆ ನೀಡಿದ್ದ 

ಶಾಸಕರನ್ನು ಅಂದಿನ ಸ್

ಹೊಸ ಕಲಾವಿದರನ್ನು ಹುಟ್ಟು ಹಾಕಲು ಪ್ರಾಥಮಿಕ ಶಾಲಾ ಮಕ್ಕಳ ಪ್ರತಿಭಾಕಾರಂಜಿ ಪೂರಕ
ಹೊಸ ಕಲಾವಿದರನ್ನು ಹುಟ್ಟು ಹಾಕಲು ಪ್ರಾಥಮಿಕ ಶಾಲಾ ಮಕ್ಕಳ ಪ್ರತಿಭಾಕಾರಂಜಿ ಪೂರಕ

ಚನ್ನಪಟ್ಟಣ: ಸರ್ಕಾರದ ವತಿಯಿಂದ ಕನ್ನಡ ಸಂಸ್ಕೃತಿ ಇಲಾಖೆಯು ಸಂಘಸಂಸ್ಥೆಗಳಿಗೆ ಕೊಡಮಾಡುವ ಅನುದಾನದ ಬದಲು ಪ್ರಾಥಮಿಕ ಶಾಲಾ ಮಟ್ಟದಲ್ಲಿ ಕಲೆಗೆ ಸಂ

ಕಾಡು ಪ್ರಾಣಿಗಳು ನಾಡಿಗೆ ಲಗ್ಗೆ ಇಡಲು ಮಾನವನ ದುರಾಸೆಯೇ ಕಾರಣ ಸಂಜಯ್ ಗುಬ್ಬಿ
ಕಾಡು ಪ್ರಾಣಿಗಳು ನಾಡಿಗೆ ಲಗ್ಗೆ ಇಡಲು ಮಾನವನ ದುರಾಸೆಯೇ ಕಾರಣ ಸಂಜಯ್ ಗುಬ್ಬಿ

ಮಂಡ್ಯ/ಮಳವಳ್ಳಿ: ಬಹುತೇಕ ಕಾಡು ಪ್ರಾಣಿಗಳು ರೈತರ ಜಮೀನಿಗೆ ಲಗ್ಗೆ ಇಟ್ಟು ಬೆಳೆದ ಬೆಳೆಯನ್ನು ತಿನ್ನುವುದಲ್ಲದೆ ತುಳಿದು ಹಾಳು ಮಾಡುವುದು ಹಾಗೂ

Top Stories »  


Top ↑