Tel: 7676775624 | Mail: info@yellowandred.in

Language: EN KAN

    Follow us :


ಏನೋ ಮಾಡಲು ಹೋಗಿ ಏನು ಮಾಡಿದೆ ನೀನು...!?! ಅಂಬರೀಶಣ್ಣ

Posted Date: 25 Nov, 2018

ಏನೋ ಮಾಡಲು ಹೋಗಿ ಏನು ಮಾಡಿದೆ ನೀನು...!?! ಅಂಬರೀಶಣ್ಣ

ಅಂಬಿ ಎರಡಕ್ಷರದಲ್ಲೇ ಅಡಗಿತ್ತು ಆ ಅಭಿಮಾನ, ಮಳವಳ್ಳಿ ಹುಚ್ಚೇಗೌಡ ಅಮರನಾಥ್, ಅಂಬರೀಶ್ ಆಗಿ, ಜಲೀಲನಾಗಿ, ಕನ್ನಡ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿ ಕನ್ನಡಿಗರ ಮನಗೆದ್ದ ಈ ಅಂಬಿ ಈ ಜಗತ್ತಿನೊಳಗಿಲ್ಲ, ನಿಜವೇ... ಊಹೂ ನಂಬಲಸಾಧ್ಯ ಎಂದೇ ಹೇಳುತ್ತಾರೆ ಎಲ್ಲರೂ, ಆದರೂ‌ ಸತ್ಯ ಸತ್ಯವೇ, ಸಾವು ಸಾವೇ ಜಗತ್ತಿನಲ್ಲಿ ಏನು ಬೇಕಾದರೂ ಕಾಸು ಕೊಟ್ಟು ಕೊಂಡುಕೊಳ್ಳಬಹುದು ಆದರೇ ಈ ಉಸಿರು ?

ಕಣ್ಣಿಗೆ ಕಾಣದ ಗಾಳಿ ಜಗತ್ತಿನ ತುಂಬೆಲ್ಲಾ ಹರಿದಾಡುತ್ತಿದೆಯಾದರೂ ದೇಹಕ್ಕೆ ಬೇಕಾದ ಗಾಳಿಯನ್ನು ಹಿಡಿದಿಟ್ಟುಕೊಳ್ಳಲಾಗುವುದಿಲ್ಲ.

ಆದುದರಿಂದಲೇ ಈ ಎರಡಕ್ಷರದ ಸಾವು ಎಂಬ ಪದಕ್ಕೆ ಎಲ್ಲಿಲ್ಲದ ಮನ್ನಣೆ, ಕಳ್ಳ, ಪುಂಡ, ಪೋಕರಿ, ರಾಜಮಹಾರಾಜ, ಪ್ರಧಾನಮಂತ್ರಿ, ಸಹಸ್ರಾರು ಕೋಟಿಗಳ ಒಡೆಯ ಅಷ್ಟೇ ಏಕೆ ಸತ್ಯಶೀಲ, ಮಹಾತ್ಮ ಎಂದೆನಿಸಿಕೊಳ್ಳುವವನು ಸಹ *ಆಯಸ್ಸು* ಮುಗಿದ ಒಂದು ಕ್ಷಣವೂ ಭೂಮಿ ಮೇಲಿರಲು ಅರ್ಹನಾಗಿರುವುದಿಲ್ಲ ಈ ಸಾಲಿಗೆ ಖಡಕ್ ಮಾತುಗಾರ ಕನ್ನಡದ ಕಂದ ಹಲವು ಬಿರುದಾಂಕಿತ ರೆಬೆಲ್ ಸ್ಟಾರ್ ಡಾ ಅಂಬರೀಶ್ ಇಂದು ನಮ್ಮೆಲ್ಲರ ಮುಂದೆ ಮಣ್ಣಾಗುವ ತನಕ ಒಂದು ನಿರ್ಜೀವ ವಸ್ತು, ಮಣ್ಣಾದ ನಂತರ ನೆನಪು ಅಷ್ಟೇ.

ಯಾರೂ ಏನು ಬೇಕಾದರೂ ಹೇಳಲಿ, ಟೀಕಿಸಲಿ ಕೆಲವು ವಿಷಯಗಳಲ್ಲಿ ಅದರಲ್ಲೂ ದಾನ ಧರ್ಮ ಸಿನಿಮಾ ರಂಗದ ಬಿಕ್ಕಟ್ಟು ಬಗೆಹರಿಸುವ ಬಗ್ಗೆ ಹೀಗೆ ಅನೇಕ ವಿಷಯಗಳಲ್ಲಿ ಮೇರುನಟರಾದ ಡಾ ರಾಜಕುಮಾರ್, ಡಾ ವಿಷ್ಣುವರ್ಧನ್ ಮತ್ತು ಶಂಕರ್ ನಾಗ್ ರವರನ್ನು ಮೀರಿಸುವ ಏಕೈಕ ಕಲಾವಿದ ಎಂದರೆ ತಪ್ಪಾಗಲಾರದು, ದೊಡ್ಡವರಿರಲಿ, ಚಿಕ್ಕವರಿರಲಿ ಬಡವ ಬಲ್ಲಿದನಿರಲಿ, ಅವನೆಂತ ರಾಜಕಾರಣಿಯೇ ಆಗಿರಲಿ *ಏಕ್ ಮಾರ್ ದೋ ತುಕಡಾ* ಅನ್ನೋ ಹಾಗೆ ಒಂದೇ ಮಾತು, *ಏಯ್ ಏನಿವಾಗ, ಏನ್ಮಾಡ್ತೀಯಾ ?* ಎಂಬ ಖಡಕ್ ಮಾತುಗಳೇ ಎದುರುಗಡೆಯವರನ್ನು ಅಧೀರಗೊಳಿಸಿಬಿಡುತ್ತಿದ್ದವು.

ಕನ್ನಡ ಚಿತ್ರರಂಗದಲ್ಲಿ ಬಹುತೇಕ ಅವರು ನಟಿಸಿರುವ ಚಿತ್ರಗಳಲ್ಲಿ ಕನ್ನಡಕ್ಕೆ ಸಂಬಂಧಿಸಿದ ಹಾಡುಗಳು ಇದ್ದೇ ಇರುತ್ತಿದ್ದವು, ಅವುಗಳ ಜೊತೆಗೆ ರಾಜಕಾರಣಿಗಳನ್ನು ಮತ್ತು ಅಧಿಕಾರಿಗಳನ್ನು ಬಗ್ಗು ಬಡಿಯುವ ಪಾತ್ರಕ್ಕೆ ಹೆಚ್ಚು ಮಹತ್ವ ಕೊಡುತ್ಯಿದ್ದರು. ಗಜೇಂದ್ರ ಚಿತ್ರದ ಅಕ್ಕಿಇಲ್ಲಾ, ಬೇಳೆಇಲ್ಲಾ, ಸ್ವಾತಂತ್ರ್ಯ ಬಂದಾದರೂ... ಚಕ್ರವ್ಯೂಹ ಚಕ್ರವ್ಯೂಹ ಚಕ್ರವ್ಯೂಹ, ಇನ್ನಿತರೆ ದೇಶದ ರಾಜ್ಯದ ರಾಜಕಾರಣಿಗಳ ಥ ಬಯಲಿಗೆಳದಂತ ಚಿತ್ರಗಳು.

ಏನೋ ಮಾಡಲೂ ಹೋಗಿ ಏನು ಮಾಡಿದೆ ನೀನೂ...

ಏಳುಸುತ್ತಿನಕೋಟೆ ಯ ಈ ಚಿತ್ರದ ಹಾಡು ಅವರ ಬದುಕಿನ ಕೆಲವು ಒಳ ಅಂಶಗಳನ್ನು ತೆರೆದಿಡಬಲ್ಲದು, ಅವರು ಚಟವಾಗಿಸಿಕೊಂಡ ಸಿಗರೆಟ್ ಮತ್ತು ಮದ್ಯಪಾನ ಅವರ ಆರೋಗ್ಯದ ಮೇಲೆ ಹೆಚ್ಚು ದುಷ್ಪರಿಣಾಮ ಬೀರಿತ್ತು ಎಂಬುದು ಎಲ್ಲರ ವಿಶ್ಲೇಷಣೆ ಆಗಿದೆ. ಆದರೂ ಅರವತ್ತಾರು ಸಾಯುವ ವಯಸ್ಸಲ್ಲ, ಅದೂ ಒಬ್ಬ ಮಹಾನ್ ಕಲಾವಿದ, ಯಾವುದೇ ಜಾತಿ, ಧರ್ಮ, ಪಕ್ಷ, ವ್ಯಕ್ತಿ ಎಲ್ಲವನ್ನೂ ಮೀರಿ ಬೆಳೆದ ವ್ಯಕ್ತಿ ಇಂದು ನಮ್ಮೊಡನಿಲ್ಲ‌, ಛೇ ಇದೆಂತಹ ದುರ್ವಿಧಿ.

ಅವರಿನ್ನೂ ಇರಬೇಕಾಗಿತ್ತು, ಇದೀಗ ತಾನೆ ಚಿತ್ರರಂಗದಲ್ಲಿ ಅಂಬೆಗಾಲಿಡಲು ಸಜ್ಜಾಗಿರುವ ಮಗ ಅಭಿಷೇಕ್, ಪ್ರೀತಿಯ ಮಡದಿ ಸುಮಲತಾ, ಎಂದೆಂದಿಗೂ ಬಗೆಹರಿಯದ ಕೆಲವು ಚಿತ್ರರಂಗ ಮತ್ತು ಚಿತ್ರ ನಟರ ಸಮಸ್ಯೆಗಳನ್ನು ಬಗೆಹರಿಸಲು ನೊಂದು ಬೆಂದವರಿಗೆ ಸಹಾಯ ಮಾಡಲು ಆತ ಇರಬೇಕಾಗಿತ್ತು ಆದರೆ ಸಾವು ಯಾರಪ್ಪನ ಸ್ವತ್ತು ಅಲ್ಲಾ ಇಂದು ಅವರು ನಾಳೆ ನಾವು, ನಾಡಿದ್ದು ಯಾರೋ ಹೀಗೆ ಜಗತ್ತಿನಲ್ಲಿ ಅತ್ಯಂತ ಕ್ರೂರಿ ಎಂದರೆ ಅದು ಸಾವು. ಆದರೂ ಅವರಿರಬೇಕಾಗಿತ್ತು.

ಅಂಬರೀಶ್ ಇಂದು ಇಹಲೋಕ ತ್ಯಜಿಸಿದ್ದಾರೆ, ಅವರನ್ನು ಎಲ್ಲಿ ಮಣ್ಣು ಮಾಡಬೇಕು, ಸುಡಬೇಕಾ ? ಹೂಳಬೇಕಾ ? ದೇಹದಾನ ಮಾಡಬೇಕಾ ? ಅಭಿಮಾನಿದ ಜೊತೆಗೆ ಬರಹಗಾರನಾದ ನಾನು ಓದುಗರಾದ ನೀವು ತಲೆ ಕೆಡಿಸಿಕೊಳ್ಳಬೇಕಾಗಿಲ್ಲ, ಅದಕ್ಕೆಂದೇ ಬೇರೆಯವರಿದ್ದಾರೆ, ನಮ್ಮಗಳ ಕೆಲಸವಿಷ್ಟೆ ಅವರ ಆತ್ಮಕ್ಕೆ ಚಿರಶಾಂತಿ ದೊರಕಲು ಮತ್ತು ಅವರ ಕುಟುಂಬಕ್ಕೆ ದುಃಖ ಭರಿಸುವ ಶಕ್ತಿ ನೀಡಲೆಂದು ಕಾಣದ ಆ ಭಗವಂತನಲ್ಲಿ ಪ್ರಾರ್ಥಿಸುವುದರ ಜೊತೆಗೆ ಆ ಕಲಾವಿದನ ಹೆಸರು ಶಾಶ್ವತವಾಗಿ ನೆಲೆಯೂರಬೇಕಾದರೆ ತೆಗೆದುಕೊಳ್ಳಬಹುದಾದ ನಿರ್ಧಾರವಷ್ಟೇ ನಮ್ಮ ಕೆಲಸ, ಆದುದರಿಂದ ನಿಂತಲ್ಲೇ ಆತ್ಮಾಭಿನಾದಿಂದ, ಅವರಿಗೆ ಗೌರವ ಸಮರ್ಪಿಸೋಣಾ.

 

(*ಆತ್ಮೀಯರೇ ವಯುಕ್ತಿಕವಾಗಿ ನಾನೊಬ್ಬ ಬಹುದೊಡ್ಡ ಅಭಿಮಾನಿ. ನಾನು ಪಾಂಡವಪುರ ತಾಲ್ಲೂಕಿನಲ್ಲಿ ಹುಟ್ಟಿ ಬೆಳೆದಿದ್ದಕ್ಕೋ ಅಥವಾ ಅವರು ದುರಾಡಳಿತ ಆಡಳಿತಾಧಿಕಾರಿಗಳ ವಿರುದ್ಧ ಸಿಡಿದೇಳುವ ಪಾತ್ರಗಳಲ್ಲಿ ನಟಿಸಿದ್ದಕ್ಕೋ ಗೊತ್ತಿಲ್ಲ, ಅವರನ್ನು ಕಂಡರೆ ಎಲ್ಲಿಲ್ಲದ ಅಭಿಮಾನ. ರಾತ್ರಿ ಪೂರಾ ನಿದ್ರೆ ಬರಲಿಲ್ಲ, ಆ ಸಮಯದಲ್ಲಿ ಅಂದರೆ ೨೫/೧೧/೨೦೧೮ ಬೆಳಿಗ್ಗೆ ಒಂದು ಗಂಟೆಯ ಸಮಯದಲ್ಲಿ ಬರೆದ ಲೇಖನ.*)*

ಗೋ ರಾ ಶ್ರೀನಿವಾಸ...

ಮೊ:9845856139


 

ಪ್ರತಿಕ್ರಿಯೆಗಳು

  • ನಿಮ್ಮ ಅಭಿಪ್ರಾಯ ತಿಳಿಸುವಲ್ಲಿ ನೀವು ಮೊದಲಿಗರಾಗಿ.

ನಿಮ್ಮ ಅಭಿಪ್ರಾಯಗಳನ್ನು ಬರೆಯಿರಿ/ತಿಳಿಸಿ.

Recent news in karnataka »

ಸಂಸ್ಕೃತಿ ಉಳಿಸುವಲ್ಲಿ ಬ್ರಾಹ್ಮಣರ ಪಾತ್ರ ಅಪಾರ: ಪುತ್ತಿಗೆಶ್ರೀ
ಸಂಸ್ಕೃತಿ ಉಳಿಸುವಲ್ಲಿ ಬ್ರಾಹ್ಮಣರ ಪಾತ್ರ ಅಪಾರ: ಪುತ್ತಿಗೆಶ್ರೀ

ಚನ್ನಪಟ್ಟಣ: ದೇಶದ ಸಂಸ್ಕೃತಿಯನ್ನು ಉಳಿಸುವಲ್ಲಿ ಬ್ರಾಹ್ಮಣರ ಪಾತ್ರ ಅಪಾರವಾಗಿದ್ದು, ಈ ನಿಟ್ಟಿನಲ್ಲಿ ಬ್ರಾಹ್ಮಣರು ಸಂಘಟಿತರಾಗಿ ಭಾರತೀಯ ಸಂಸ್ಕ

ದಂಡಾಧಿಕಾರಿಗಳಿಗೆ ಸಿಕ್ಕಿಬಿದ್ದ ನಕಲಿ ಐಎಎಸ್‌ ಅಧಿಕಾರಿ ಮತ್ತು ತಂಡ
ದಂಡಾಧಿಕಾರಿಗಳಿಗೆ ಸಿಕ್ಕಿಬಿದ್ದ ನಕಲಿ ಐಎಎಸ್‌ ಅಧಿಕಾರಿ ಮತ್ತು ತಂಡ

ಚನ್ನಪಟ್ಟಣ: ನಗರದ ಪ್ರವಾಸಿ ಮಂದಿರಕ್ಕೆ ಐಷಾರಾಮಿ ಕಾರು ಮತ್ತು ತನ್ನದೇ ಭದ್ರತಾ ಸಿಬ್ಬಂದಿಗಳ ಜೊತೆ ಆಗಮಿಸಿ ತಾಲ್ಲೂಕಿನ ಕೆಲ ಅಧಿಕಾರಿಗಳಿಂದ ಆತ

ಲಂಚ ಸ್ವೀಕರಿಸುತ್ತಿದ್ದ ಹೆದ್ದಾರಿ ಪ್ರಾಧಿಕಾರದ ಮೂವರು ಎಸಿಬಿ ಬಲೆಗೆ
ಲಂಚ ಸ್ವೀಕರಿಸುತ್ತಿದ್ದ ಹೆದ್ದಾರಿ ಪ್ರಾಧಿಕಾರದ ಮೂವರು ಎಸಿಬಿ ಬಲೆಗೆ

ರಾಮನಗರ: ಬಿಡದಿ ಹೋಬಳಿಯ ಕೆಂಚನಕುಪ್ಪೆ ಗ್ರಾಮದ ನಿವಾಸಿಯೋರ್ವರ ಜಮೀನನ್ನು ಬೆಂಗಳೂರು ಮೈಸೂರು ರಾಷ್ಟ್ರೀಯ ಹೆದ್ದಾರಿಯ ಅಗಲಿಕರಣಕ್ಕಾಗಿ ರಾಷ್ಟ್ರ

ಕರಡಿಗಳ ದಾಳಿ ಗಂಭೀರ ಗಾಯ
ಕರಡಿಗಳ ದಾಳಿ ಗಂಭೀರ ಗಾಯ

ಚನ್ನಪಟ್ಟಣ: ತಾಲ್ಲೂಕಿನ ಅರಳಾಳುಸಂದ್ರ ಗ್ರಾಮದ ಗಿರೀಶ್ ಎಂಬುವವರಿಗೆ ಎರಡು ಕರಡಿಗಳು ದಾಳಿ ನಡೆಸಿ ಗಂಭೀರ ಗಾಯಗೊಳಿಸಿವೆ.

ತೆಂಗಿ

ಮನೆಗೆ ನುಗ್ಗಿದ ಮಳೆ ನೀರು ಕುಮಾರಸ್ವಾಮಿ ಭೇಟಿ, ೫,೦೦೦ ರೂ ಪರಿಹಾರ ಘೋಷಣೆ
ಮನೆಗೆ ನುಗ್ಗಿದ ಮಳೆ ನೀರು ಕುಮಾರಸ್ವಾಮಿ ಭೇಟಿ, ೫,೦೦೦ ರೂ ಪರಿಹಾರ ಘೋಷಣೆ

ಚನ್ನಪಟ್ಟಣ: ಕಳೆದ ಎರಡು ದಿನದಿಂದ ಸುರಿದ ಮಳೆಯಿಂದಾಗಿ ಜಲಾವೃತಗೊಂಡಿದ್ದ ಬೀಡಿ ಕಾರ್ಮಿಕರ ಕಾಲೋನಿ, ಎಪಿಎಂಸಿ ಆವರಣದಲ್ಲಿರುವ ವಸತಿಗಳಿಗೆ ಭೇಟಿ

ಉಪಚುನಾವಣೆಯಲ್ಲಿ  ಮೈತ್ರಿ ಇಲ್ಲ ಹೆಚ್ಡಿಕೆ
ಉಪಚುನಾವಣೆಯಲ್ಲಿ ಮೈತ್ರಿ ಇಲ್ಲ ಹೆಚ್ಡಿಕೆ

ಮೈಸೂರು: ಉಪ ಚುನಾವಣೆ ಘೋಷಣೆಯಾಗಿರುವ ಎಲ್ಲಾ ಕ್ಷೇತ್ರಗಳಲ್ಲೂ ಜೆಡಿಎಸ್ ಪಕ್ಷವು ಸ್ವತಂತ್ರವಾಗಿ ಸ್ಪರ್ಧೆ ಮಾಡುವುದಾಗಿ ಮಾಜಿ 

ಅಕ್ಟೋಬರ್ ೨೧ ಉಪಚುನಾವಣೆ, ಅನರ್ಹ ಶಾಸಕರು ಗಡಗಡ
ಅಕ್ಟೋಬರ್ ೨೧ ಉಪಚುನಾವಣೆ, ಅನರ್ಹ ಶಾಸಕರು ಗಡಗಡ

ಬೆಂಗಳೂರು: ರಾಜ್ಯದಲ್ಲಿ ಮೈತ್ರಿ ಸರ್ಕಾರದ ೧೭ ಶಾಸಕರು ಆಪರೇಷನ್ ಕಮಲಕ್ಕೆ ಒಳಗಾಗಿ ರಾಜೀನಾಮೆ ನೀಡಿದ್ದ 

ಶಾಸಕರನ್ನು ಅಂದಿನ ಸ್

ಹೊಸ ಕಲಾವಿದರನ್ನು ಹುಟ್ಟು ಹಾಕಲು ಪ್ರಾಥಮಿಕ ಶಾಲಾ ಮಕ್ಕಳ ಪ್ರತಿಭಾಕಾರಂಜಿ ಪೂರಕ
ಹೊಸ ಕಲಾವಿದರನ್ನು ಹುಟ್ಟು ಹಾಕಲು ಪ್ರಾಥಮಿಕ ಶಾಲಾ ಮಕ್ಕಳ ಪ್ರತಿಭಾಕಾರಂಜಿ ಪೂರಕ

ಚನ್ನಪಟ್ಟಣ: ಸರ್ಕಾರದ ವತಿಯಿಂದ ಕನ್ನಡ ಸಂಸ್ಕೃತಿ ಇಲಾಖೆಯು ಸಂಘಸಂಸ್ಥೆಗಳಿಗೆ ಕೊಡಮಾಡುವ ಅನುದಾನದ ಬದಲು ಪ್ರಾಥಮಿಕ ಶಾಲಾ ಮಟ್ಟದಲ್ಲಿ ಕಲೆಗೆ ಸಂ

ಕಾಡು ಪ್ರಾಣಿಗಳು ನಾಡಿಗೆ ಲಗ್ಗೆ ಇಡಲು ಮಾನವನ ದುರಾಸೆಯೇ ಕಾರಣ ಸಂಜಯ್ ಗುಬ್ಬಿ
ಕಾಡು ಪ್ರಾಣಿಗಳು ನಾಡಿಗೆ ಲಗ್ಗೆ ಇಡಲು ಮಾನವನ ದುರಾಸೆಯೇ ಕಾರಣ ಸಂಜಯ್ ಗುಬ್ಬಿ

ಮಂಡ್ಯ/ಮಳವಳ್ಳಿ: ಬಹುತೇಕ ಕಾಡು ಪ್ರಾಣಿಗಳು ರೈತರ ಜಮೀನಿಗೆ ಲಗ್ಗೆ ಇಟ್ಟು ಬೆಳೆದ ಬೆಳೆಯನ್ನು ತಿನ್ನುವುದಲ್ಲದೆ ತುಳಿದು ಹಾಳು ಮಾಡುವುದು ಹಾಗೂ

Top Stories »  


Top ↑