Tel: 7676775624 | Mail: info@yellowandred.in

Language: EN KAN

    Follow us :


ತಾಳೆಯೋಲೆ ೩೨: ಬ್ರಹ್ಮ ಜ್ಞಾನವನ್ನು ಹೊಂದುವುದರಿಂದ ಆಗುವ ಉಪಯೋಗವೇನು ?

Posted Date: 07 Sep, 2019

ತಾಳೆಯೋಲೆ ೩೨: ಬ್ರಹ್ಮ ಜ್ಞಾನವನ್ನು ಹೊಂದುವುದರಿಂದ ಆಗುವ ಉಪಯೋಗವೇನು ?

ಭಾರತೀಯ ಆಚಾರ ವ್ಯವಹಾರಗಳಲ್ಲಿ ಅಡಗಿರುವ ಶಾಸ್ತ್ರೀಯತೆ ಶಾಸ್ತ್ರೀಯ ದೃಷ್ಟಿಯಿಂದ ವಿಶ್ಲೇಷಿಸಿರುವ ಗ್ರಂಥ


ಇಂಗ್ಲಿಷ್ ಮೂಲ ಲೇಖಕ: ಡಾ ವೆಂಗನೂರು ಬಾಲಕೃಷ್ಣನ್.

ಕನಡಕ್ಕೆ: ಊರುಕುಂಟೆ ನರಸಿಂಹ ಮೂರ್ತಿ


ಬ್ರಹ್ಮ ಜ್ಞಾನವನ್ನು ಹೊಂದುವುದರಿಂದ ಆಗುವ ಉಪಯೋಗವೇನು ?


*ನಂಬಿಕೆಗೆ ಅತೀತವಾದ, ಸಜೀವವಾದ, ನಿತ್ಯಾನಂದಕರವಾದ, ಶಾಶ್ವತವಾದ ಪ್ರಜ್ಞೆ ಉಂಟಾಗುವುದನ್ನೇ ಪರಬ್ರಹ್ಮ ಇಲ್ಲವೇ ಪರಮಾತ್ಮ, ಬ್ರಹ್ಮ ಇಲ್ಲವ ಸತ್ಯ* ಎಂಬ ವಿವಿಧ ನಾಮಗಳಿಂದ ಕರೆಯುತ್ತಾರೆ.


ಪ್ರಕೃತಿ ಪರಮಾತ್ಮನಿಗಿಂತ ಬೇರೇಯಾಗಿರುವುದು. ಯಾವಾಗ *ಪರಮಾತ್ಮನ ತೇಜಸ್ಸು ಮೂಲ ಪ್ರಕೃತಿಯ ಮೇಲೆ ಬೀಳುವುದೋ ಆಗ ಮಹಾವಿಸ್ಫೋಟದೊಂದಿಗೆ ಸೃಷ್ಟಿ ಪ್ರಾರಂಭವಾಗುವುದು.* ಹೀಗೆ ಸ್ಫೊಟವಾಗುವುದರಿಂದ ಕೋಟ್ಯಾನುಕೋಟಿ ಚೂರುಗಳಾದ ಮೂಲ ಪ್ರಕೃತಿ ಪರಮಾತ್ಮನ ತೇಜಸ್ಸಿನಿಂದ ಚೈತನ್ಯವನ್ನು ಹೊಂದುವುದು. ಹೀಗೆ *ಚೈತನ್ಯವನ್ನು ಹೊಂದಿದ ವಿವಿಧ ಸೂಕ್ಷ್ಮ ಪ್ರಕೃತಿಯ ಅಂಶಗಳನ್ನೇ ಜೀವಾತ್ಮಗಳು* ಎಂದು ಕರೆಯುವರು.


ಈ ಜೀವಾತ್ಮಗಳು ಪದಾರ್ಥ ಭಾವನೆಯಲ್ಲಿ ತನ್ನ ನಿಜವಾದ ಕಾರ್ಯವನ್ನು ಮರೆತು ದೇಹವೇ ತಾನೆಂದುಕೊಂಡು ಜನ್ಮಗಳನ್ನು ಎತ್ತುತ್ತಾ ಹೋಗುವುದು. ಈ ಮನೋ ದೇಹಗಳಿಗೆ ಉಂಟಾಗುವ ಸರ್ವವಿಧ ಕಷ್ಟ ನಷ್ಟಗಳು ಭಯ, ರೋಗ ಪೀಡೆಗಳನ್ನು ಅನುಭವಿಸುತ್ತಾ ಅನೇಕ ಜನ್ಮಗಳನ್ನು ಎತ್ತುತ್ತಾ ಅದೆಷ್ಟೋ ಕಷ್ಟಗಳನ್ನು ಪಡುವುದು.


ಬ್ರಹ್ಮಜ್ಞಾನವನ್ನು ಹೊಂದಿ ಆಯಸ್ಸು ತುಂಬಿದಾಗ ಅದೇ ಬ್ರಹ್ಮ ಸ್ಥಿತಿಯಲ್ಲಿ ಮನಸ್ಸನ್ನು ಸ್ಥಿರ ಮಾಡಿ ದೇಹತ್ಯಾಗವನ್ನು ಮಾಡಿದವರು ತತ್ ಕ್ಷಣವೇ ವಿಶ್ವಾತೀತವಾದ ಪರಬ್ರಹ್ಮವಾಗುತ್ತದೆ. ಹೀಗೆ *ಮೋಕ್ಷವನ್ನು ಹೊಂದುವುದೇ ಮಾನವ ಜನ್ಮದ ಮುಖ್ಯ ಲಕ್ಷಣವೆಂದು ವೇದೋಪನಿಷತ್ತುಗಳು ಮತ್ತು ನಮ್ಮ ಪುರಾಣ ಇತಿಹಾಸಗಳು ಘೋಷಿಸಿವೆ.*


ಮೋಕ್ಷವನ್ನು ಹೊಂದಿದವರು ಮತ್ತೆ ಭಿನ್ನತ್ವದಲ್ಲಿ ಭಿನ್ನ ಭಿನ್ನವಾಗಿರುವ ಲೋಕದಲ್ಲಿ ಜನಿಸದೆ ಶಾಶ್ವತಾನಂದವನ್ನು ಹೊಂದುವನು. *ಗೀತಾ ಸಾರವೂ ಸಹ ಈ ಜೀವ ಬ್ರಹ್ಮೈಕ್ಯತೆಯನ್ನು* ಕುರಿತು ಹೇಳುತ್ತದೆ.


*ಸಂಗ್ರಹ ಮತ್ತು ಪ್ರಚಾರ;*

*ಗೋ ರಾ ಶ್ರೀನಿವಾಸ...*

*ಮೊ:9845856139.*

ಪ್ರತಿಕ್ರಿಯೆಗಳು

  • ನಿಮ್ಮ ಅಭಿಪ್ರಾಯ ತಿಳಿಸುವಲ್ಲಿ ನೀವು ಮೊದಲಿಗರಾಗಿ.

ನಿಮ್ಮ ಅಭಿಪ್ರಾಯಗಳನ್ನು ಬರೆಯಿರಿ/ತಿಳಿಸಿ.

Top Stories »  


Top ↑