Tel: 7676775624 | Mail: info@yellowandred.in

Language: EN KAN

    Follow us :


ತಾಳೆಯೋಲೆ ೭೬: ಗಾಯತ್ರಿ ಮಂತ್ರವು ಬುದ್ಧಿಯನ್ನು ವಿಕಸಿಸುತ್ತದೆಯೇ ?

Posted Date: 02 Nov, 2019

ತಾಳೆಯೋಲೆ ೭೬: ಗಾಯತ್ರಿ ಮಂತ್ರವು ಬುದ್ಧಿಯನ್ನು ವಿಕಸಿಸುತ್ತದೆಯೇ ?

ಭಾರತೀಯ ಆಚಾರ ವ್ಯವಹಾರಗಳಲ್ಲಿ ಅಡಗಿರುವ ಶಾಸ್ತ್ರೀಯತೆ ಶಾಸ್ತ್ರೀಯ ದೃಷ್ಟಿಯಿಂದ ವಿಶ್ಲೇಷಿಸಿರುವ ಗ್ರಂಥ


ಇಂಗ್ಲಿಷ್ ಮೂಲ ಲೇಖಕ: ಡಾ ವೆಂಗನೂರು ಬಾಲಕೃಷ್ಣನ್.

ಕನಡಕ್ಕೆ: ಊರುಕುಂಟೆ ನರಸಿಂಹ ಮೂರ್ತಿ


ಗಾಯತ್ರಿ ಮಂತ್ರವು ಬುದ್ಧಿಯನ್ನು ವಿಕಸಿಸುತ್ತದೆಯೇ ?


ಗಾಯತ್ರಿ ಮಂತ್ರೋಚ್ಛಾರಣೆಯು ಬುದ್ದಿ ವಿಕಾಸಕ್ಕೆ ಸಹಾಯವಾಗುತ್ತದೆ ಎಂದು ನಂಬಲಾಗಿದೆ. ನಮ್ಮ ದೇಶದಲ್ಲಿ ಕೆಲವು ವರ್ಣದವರು ಮಾತ್ರವೇ ಈ ಮಂತ್ರವನ್ನು ಪಠಿಸಬೇಕೆಂದು ಉದ್ದೇಶ ಪೂರ್ವಕವಾಗಿ ಸ್ವಂತ ಶಾಸನವನ್ನು ಮಾಡಿಕೊಂಡಿದ್ದಾರೆ !?. ಆದರೆ ಕಾಲಕ್ಕನುಗುಣವಾಗಿ ಸ್ತ್ರೀಯರು ಸೇರಿದಂತೆ ಎಲ್ಲಾ ವರ್ಣದವರೂ ಗಾಯತ್ರಿ ಮಂತ್ರ ಜಪವನ್ನು ಮಾಡಲು ಪ್ರಾರಂಭಿಸಿದ್ದಾರೆ. *ಭಾರತೀಯರಷ್ಟೇ ಅಲ್ಲದೆ ಪ್ರಪಂಚದಲ್ಲಿನ ಅನೇಕ ದೇಶದವರು ಈ ಮಂತ್ರವನ್ನು ಜಪಿಸುತ್ತಾ ಅದರ ಸತ್ ಪ್ರಭಾವವನ್ನು ಅನಿಭವಿಸುತ್ತಿದ್ದಾರೆ.*


*ಓಂ ಭೂರ್ಭುವ: ಸುವತತ್: ಸವಿತುರ್ವರೇಣ್ಯಂ, ಭರ್ಗೋದೇವಸ್ಯ ಧೀ ಮಹೀ ಧಿಯೋ ಯೋನ: ಪ್ರಚೋದಯಾತ್* ಈ ಮಂತ್ರವೇ ಗಾಯತ್ರಿ ಮಂತ್ರ. ಈ ಮಂತ್ರವನ್ನು *ದೇವಮಾತಾ* ಎಂದು ಕರೆಯುತ್ತಾರೆ.


*ಸವಿತ ಗಾಯತ್ರಿ ಮಂತ್ರಕ್ಕೆ ಅಧಿಷ್ಠಾನ ದೇವತೆ, ಅಗ್ನಿ ಮುಖ, ವಿಶ್ವಾಮಿತ್ರನು ಋಷಿ, ಗಾಯತ್ರಿ ಛಂದವು ಆಗಿದೆ. ಪ್ರಣವ ರೂಪವಾದ ಓಂ ಕಾರಕ್ಕೆ ನಾನು ವಂದನೆಯನ್ನು ಮಾಡುತ್ತಾ ವಿಶ್ವವನ್ನು ಬೆಳಗುತ್ತಿರುವ ಸೂರ್ಯ ತೇಜವನ್ನು, ಸವಿತೆಯನ್ನು ನಾನು ಉಪಾಸಿಸುತ್ತಿದ್ದೇನೆ* ಎನ್ನುವುದು ಗಾಯತ್ರಿ ಮಂತ್ರಕ್ಕಿರುವ ಅರ್ಥಗಳಲ್ಲಿ ಇದು ಒಂದಾಗಿದೆ.


ಈ ಮಂತ್ರವನ್ನು ಪಠಿಸುವಾಗ *ಐದು ಕಡೆ ಸ್ವಲ್ಪ ನಿಲ್ಲಿಸಿ ಓದಬೇಕು.* *೧ ಓಂ, ೨ ಭೂರ್ಭುವ: ಸುವ:, ೩ ತತ್ ಸವಿತುರ್ ವರೇಣ್ಯಂ, ೪ ಭರ್ಗೋ ದೇವಸ್ಯಧೀಮಹೀ, ೫ ಧೀಯೋ ಯೋನ: ಪ್ರಚೋದಯಾತ್,* ಈ ರೀತಿಯಾಗಿ ಕ್ಷಣ ಬಿಡುವು ಬಿಟ್ಟು ಪಠಿಸಬೇಕು.


ಈ ಮಂತ್ರವನ್ನು ನಿಯಮ ನಿಷ್ಠೆಯಿಂದ ಭಕ್ತಿ ಶ್ರದ್ಧೆಯಿಂದ ಜಪಿಸುವರೋ ಅವರು ಅನೇಕ ರೀತಿಯ ಪ್ರಯೋಜನಗಳನ್ನು *ಶಾರೀರಿಕ ಮತ್ತು ಮಾನಸಿಕ ಆರೋಗ್ಯವನ್ನು ಮತ್ತು ಜೀವನದಲ್ಲಿ ಎಲ್ಲಾ ಕಷ್ಟಗಳನ್ನು ಎದುರಿಸುವ ಬಲವನ್ನು ಹೊಂದುತ್ತಾರೆ.* ಪ್ರಪಂಚದಾದ್ಯಂತ ಗಾಯತ್ರಿ ಮಂತ್ರ ಶಕ್ತಿಯ ಪ್ರಭಾವದ ಮೇಲೆ ಪರಿಶೋಧನೆಗಳನ್ನು ಮಾಡುತ್ತಿದ್ದಾರೆ. ಆದರೆ *ಈ ಮಂತ್ರದ ಶಾಸ್ತ್ರೀಯ ಅಂಶವನ್ನು ಈಗಾಗಲೇ ಕಂಡು ಹಿಡಿದು ನಿರೂಪಿಸಲಾಗಿದೆ.*


*ಗಾಯತ್ರಿ ಮಂತ್ರೋಚ್ಛಾರಣೆಯಿಂದ ಮೆದುಳಿನಲ್ಲಿನ ವಿಜ್ಞಾನ ಗ್ರಂಥಿಗಳು ಎಚ್ಚರಿಕೆಯಾಗುವುದೆಂಬ ಅತ್ಯದ್ಭುತವಾದ ಸತ್ಯವನ್ನು ಸಂಶೋಧನೆಯಿಂದ ಸಾಬೀತಾಗಿದೆ.* ಗಾಯತ್ರಿ ಮಂತ್ರವನ್ನು ಜಪಿಸುವವರ ಮೆದುಳಿನಲ್ಲಿ ನಿರಂತರವಾಗಿ ಸಾಗುವ  ಪ್ರಕಂಪನಗಳ ಅನುಭವವನ್ನು ಹೊಂದುತ್ತಾರೆ. ಅವರುಗಳು ಸದಾ ಜಾಗರೂಕತೆಯಿಂದ ನಿಜ ಜೀವನದಲ್ಲಿ ಜೀವಿಸುತ್ತಾರೆ. ಈ ವಿಧದಲ್ಲಿ ವಿಜಯವನ್ನು ಸಾಧಿಸುತ್ತಾರೆ.


ಯಾವಾಗ ಒಬ್ಬ ವ್ಯಕ್ತಿ ಗಾಯತ್ರಿ ಮಂತ್ರವನ್ನು ಸೂಚಿಸಿದ ರೀತಿಯಲ್ಲಿ ಲಯಬದ್ಧವಾಗಿ ಜಪಿಸಿದರೆ *ಲಕ್ಷಗಟ್ಟಲೆ ಶಕ್ತಿ ತರಂಗಗಳು ಆತನ ತಲೆಯ ಸುತ್ತಲೂ ಉದ್ಭವಿಸುತ್ತವೆ. ಗಾಯತ್ರಿ ಮಂತ್ರೋಪಾಸನೆಯು ಒಬ್ಬ ವ್ಯಕ್ತಿಯನ್ನು ಬುದ್ದಿವಂತನಾಗಿ ಮತ್ತು ಧೈರ್ಯವಂತನನ್ನಾಗಿ ಮಾಡಿ ಅನುಕೂಲಕರ ಶಕ್ತಿ ಸಾಮರ್ಥ್ಯಗಳನ್ನು ಆತನಲ್ಲಿ ತುಂಬುತ್ತದೆ.*


*ಸಂಗ್ರಹ ಮತ್ತು ಪ್ರಚಾರ;*

*ಗೋ ರಾ ಶ್ರೀನಿವಾಸ...*

*ಮೊ:9845856139.*

ಪ್ರತಿಕ್ರಿಯೆಗಳು

  • ನಿಮ್ಮ ಅಭಿಪ್ರಾಯ ತಿಳಿಸುವಲ್ಲಿ ನೀವು ಮೊದಲಿಗರಾಗಿ.

ನಿಮ್ಮ ಅಭಿಪ್ರಾಯಗಳನ್ನು ಬರೆಯಿರಿ/ತಿಳಿಸಿ.

Top Stories »  


Top ↑