Tel: 7676775624 | Mail: info@yellowandred.in

Language: EN KAN

    Follow us :


ಚನ್ನಪಟ್ಟಣ ದಲ್ಲಿ ಪಂಚಲಿಂಗ, ಶಿವರಾತ್ರಿ ಯಂದು ದರ್ಶಿಸಿ ಪುಣ್ಯವಂತರಾಗಿ

Posted Date: 21 Feb, 2020

ಚನ್ನಪಟ್ಟಣ ದಲ್ಲಿ ಪಂಚಲಿಂಗ, ಶಿವರಾತ್ರಿ ಯಂದು ದರ್ಶಿಸಿ ಪುಣ್ಯವಂತರಾಗಿ

ಹೊಳೆಯ ಆಚೆ ಇರುವ ಕಲ್ಯನಾಥೇಶ್ವರ ಸ್ವಾಮಿ

ಚನ್ನಪಟ್ಟಣ:ಫೆ/೨೧/೨೦/ಶುಕ್ರವಾರ.


ಮಹಾಶಿವರಾತ್ರಿ ಹಬ್ಬ ಭಕ್ತಿ ಭಾವಗಳ, ವಿಜೃಂಭಣೆಯ ಹಬ್ಬ, ಇಡೀ ದೇಶದಲ್ಲಿ ಹಿಂದೂ‌ಬಾಂಧವರು ಆಚರಿಸುವ ಈ‌ ಹಬ್ಬ ಲಿಂಗ ದ ರೂಪದ ಶಿವನ ಆಲಯಗಳಲ್ಲಿ ವಿಶೇಷವಾಗಿ ಆಚರಿಸಲಾಗುತ್ತದೆ.

ಕರ್ನಾಟಕದ ತಲಕಾಡು ಪಂಚಲಿಂಗ ಸೇರಿದಂತೆ ನಾಡಿನ ಉದ್ದಗಲಕ್ಕೂ ಶಿವನ ಶಿವರಾತ್ರಿ ಜಾಗರಣೆಯನ್ನು ಹಮ್ಮಿಕೊಂಡು ಆರಾಧಿಸುತ್ತಾರೆ.


ಚನ್ನಪಟ್ಟಣ ನಗರ ಮತ್ತು ಕೂಡ್ಲೂರು ಗ್ರಾಮದಲ್ಲಿ ಪಂಚಲಿಂಗ


ನಗರದ ಚಿಕ್ಕಮಳೂರು ಗ್ರಾಮದ ಹೊಳೆಯಿಂದ ಈಚೆ ಇರುವ *ಶ್ರೀ ಅರ್ಕೇಶ್ವರ* ದೇವಾಲಯದ ಲಿಂಗವೂ ನಗರದಲ್ಲಿ ಭೂಮಿಯಿಂದ ಮೂಡಿದ‌‌ ಮೊದಲ ಲಿಂಗ ವಾಗಿದ್ದು ಈ ದಿನ ವಿಶೇಷ ಅಲಂಕಾರ, ಹಲವಾರು ಪೂಜಾ ವಿಧಿವಿಧಾನಗಳು ಜರುಗುತ್ತಿವೆ, ದರ್ಶನಗೈದ ಭಕ್ತರಿಗೆ ಪ್ರಸಾದದ ಜೊತೆಗೆ ಅನ್ನದಾನ ಏರ್ಪಡಿಸಲಾಗಿದೆ.



ನಂತರದ್ದು ಶ್ರೀ ಕಲ್ಯನಾಥೇಶ್ವರ ಸ್ವಾಮಿ. ಈ ಲಿಂಗ ದೇವರನ್ನು ಕಣ್ವ ಮಹಾ ಋಷಿಗಳ ಶಿಷ್ಯನ ತಪಸ್ಸಿಗೆ ಒಲಿದ ಶಿವನ ನೆನಪಿಗಾಗಿ ಕಣ್ವ ಋಷಿಗಳ ಶಿಷ್ಯಂದಿರು ಪ್ರತಿಷ್ಠಾಪಿಸಿದ್ದಾರೆ ಎಂಬ ಉಲ್ಲೇಖವಿದ್ದು ಈ ದಿನ‌ ವಿಶೇಷ ಅಲಂಕಾರ ಮತ್ತು ಪೂಜೆಯನ್ನು ಹಮ್ಮಿಕೊಳ್ಳಲಾಗಿದೆ.



ನಗರದ ಕೋಟೆ ಪ್ರದೇಶದಲ್ಲಿರುವ ಶ್ರೀ ಕಾಶಿ ವಿಶ್ವೇಶ್ವರ ಸ್ವಾಮಿ ದೇವಾಲಯ ಲಿಂಗವು ನಾಲ್ಕು ನೂರು ವರ್ಷಗಳಿಗೂ ಹೆಚ್ಚಿನ ಇತಿಹಾಸ ಹೊಂದಿದ್ದು, ನೇರವಾಗಿ ಪುಣ್ಯಕ್ಷೇತ್ರ ಕಾಶಿಯಿಂದಲೇ ತಂದು ಪ್ರತಿಷ್ಠಾಪಿಸಲಾಗಿದೆ.



ಅಂದಿನ ಮೈಸೂರು ಮಹಾರಾಜರು  ಬೆಂಗಳೂರು ಮೈಸೂರು ಹೆದ್ದಾರಿಯಲ್ಲಿ ಸಾಗುವಾಗ ತಪ್ಪದೆ ದರ್ಶಿಸಿ ಹೋಗುತ್ತಿದ್ದರಂತೆ. ಇಂತಹ ದೇವಾಲಯದಲ್ಲಿ ಶಿವರಾತ್ರಿ ಅಂಗವಾಗಿ ಸಮಿತಿಯ ಪದಾಧಿಕಾರಿಗಳು ವಿಶೇಷ ಪೂಜೆ ಪುನಸ್ಕಾರಗಳ ಜೊತೆಗೆ ಇಂದು ಸಂಜೆಯಿಂದ ನಾಳೆ ಬೆಳಿಗ್ಗೆ ವರೆಗೂ‌ ಅನೇಕ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದ್ದು ನಾಳೆ ಬೆಳಿಗ್ಗೆ ಹದಿನೈದು ಸಾವಿರ ಮಂದಿಗೆ ಅನ್ನ ಸಂತರ್ಪಣೆ ಏರ್ಪಡಿಸಿದ್ದಾರೆ.


ಪೇಟೆ ಬೀದಿಯಲ್ಲಿರುವ ಶ್ರೀ ನೀಲಕಂಠೇಶ್ವರ ಸ್ವಾಮಿ ದೇವಾಲಯದಲ್ಲಿರುವ ಲಿಂಗವೂ ಸಹ ಪುರಾಣ ಪ್ರಸಿದ್ದವಾಗಿದ್ದು ಬೃಂದಾವನ ನೆನಪಿಸುವಂತೆ ಇದೆ. ಇಲ್ಲಿ ದಿನಂಪ್ರತಿ ವಿವಿಧ ಪೂಜೆ, ಅಭಿಷೇಕ ದ ಜೊತೆಗೆ ಇಂದು ವಿಶೇಷವಾಗಿ ಅಲಂಕರಿಸಿ ಪೂಜೆ ನೆರವೇರಿಸಲಾಯಿತು. ಇಲ್ಲಿಯೂ ಸಹ ಭಕ್ತಾದಿಗಳಿಗೆ ಉಚಿತ ಪ್ರಸಾದ ಏರ್ಪಡಿಸಿದ್ದಾರೆ.



ನಗರ ವ್ಯಾಪ್ತಿಯ ದೊಡ್ಡಮಳೂರು ಗ್ರಾಮದ ಶ್ರೀ ಪಾರ್ವತಿ ಕೈಲಾಸನಾಥ ಸ್ವಾಮಿ ದೇವಾಲಯದಲ್ಲಿ ಕೈಲಾಸನಾಥ ಲಿಂಗವನ್ನು ಪ್ರತಿಷ್ಠಾಪಿಸಲಾಗಿದ್ದು ಶಿವರಾತ್ರಿ ಹಬ್ಬದ ಸಂದರ್ಭದಲ್ಲಿ ಪೂಜಾ ವಿಧಿವಿಧಾನಗಳನ್ನು ನೆರವೇರಿಸಲಾಯಿತು, ಲಿಂಗಕ್ಕೆ ವಿಶೇಷ ಅಲಂಕಾರ ಮಾಡಲಾಗಿದ್ದು ಟ್ರಸ್ಟ್ ಪದಾಧಿಕಾರಿಗಳಿಂದ ಪ್ರಸಾದ ವಿತರಣೆ ಮಾಡಲಾಯಿತು.



ನಗರದ ಹೊರವಲಯದಲ್ಲಿರುವ ಶ್ರೀ ಮಹದೇಶ್ವರ ಸ್ವಾಮಿ ದೇವಾಲಯ ನೂತನ ಕಾರ್ಯ ನೆನೆಗುದಿಗೆ ಬಿದ್ದಿರುವುದರಿಂದ ತಾತ್ಕಾಲಿಕ ಪುಟ್ಟ ಜಾಗದಲ್ಲಿ ಸ್ವಾಮಿ ಗೆ *ತರಕಾರಿಗಳಿಂದ ಅಲಂಕರಿಸಲಾಗಿದ್ದು* ದೇವರ ಲಿಂಗವು ಭಕ್ತಾಧಿಗಳಿಗೆ ಆಕರ್ಷಣೀಯವಾಗಿದ್ದು ಕಣ್ತುಂಬಿಕೊಂಡರು.



ಶಿವಪ್ಪನಮಠ ದ ಶ್ರೀ ಈಶ್ವರ ಸ್ವಾಮಿ ಗೆ ಹೂವಿನ ಅಲಂಕಾರ ಮಾಡಲಾಗಿದ್ದು ಬರುವ ಭಕ್ತಾಧಿಗಳಿಗೆ ಇಂದು ಸಂಜೆ ಪ್ರಸಾದ ರೂಪದಲ್ಲಿ ಊಟದ ವ್ಯವಸ್ಥೆ ಮಾಡಲಾಗಿದೆ.



ಪಂಚಲಿಂಗಕ್ಕೆ ಹೆಸರುವಾಸಿಯಾದ ಮತ್ತೊಂದು ಕ್ಷೇತ್ರ ಕೂಡ್ಲೂರು ಗ್ರಾಮದ ಶ್ರೀ ಮಂಗಳೇಶ್ವರ ಸ್ವಾಮಿ ಇಲ್ಲಿ ಐದು ಲಿಂಗಗಳ ಪ್ರತ್ಯೇಕ ದೇವಾಲಯಗಳಿದ್ದು ವಿಶೇಷ ಅಲಂಕಾರ ಹಾಗೂ ಪೂಜೆಯನ್ನು ಭಕ್ತಾಧಿಗಳ ಸಮ್ಮುಖದಲ್ಲಿ ನೆರವೇರಿಸಲಾಯಿತು.


ತಾಲ್ಲೂಕಿನ ನುಣ್ಣೂರು ಮತ್ತು ನೇರಳೂರು ಗ್ರಾಮದ ನಡುವೆ ಇರುವ *ಶ್ರೀ ವೈದ್ಯನಾಥೇಶ್ವರ ಸ್ವಾಮಿ* ದೇವಾಲಯದಲ್ಲಿಯೂ ಸಹ ವಿಶೇಷ ಪೂಜೆ ಏರ್ಪಡಿಸಿ ದೇವರಿಗೆ ಸಮರ್ಪಿಸಿ ಭಕ್ತಾಧಿಗಳಿಗೆ ಪ್ರಸಾದ ವಿತರಿಸಲಾಯಿತು.


ಶಿವನ ದೇವಾಲಯ ಗಳಲ್ಲದೆ ಬಹುತೇಕ ಎಲ್ಲಾ ದೇವಾಲಯದ ವಿಗ್ರಹಗಳಿಗೂ ಇಂದು ವಿಶೇಷ ಅಲಂಕಾರ ಪೂಜೆಯನ್ನು ಹಮ್ಮಿಕೊಳ್ಳಲಾಗಿತ್ತು.


ಗೋ ರಾ ಶ್ರೀನಿವಾಸ...

ಮೊ:9845856139.

ಪ್ರತಿಕ್ರಿಯೆಗಳು

  • ನಿಮ್ಮ ಅಭಿಪ್ರಾಯ ತಿಳಿಸುವಲ್ಲಿ ನೀವು ಮೊದಲಿಗರಾಗಿ.

ನಿಮ್ಮ ಅಭಿಪ್ರಾಯಗಳನ್ನು ಬರೆಯಿರಿ/ತಿಳಿಸಿ.

Top Stories »  


Top ↑