Tel: 7676775624 | Mail: info@yellowandred.in

Language: EN KAN

    Follow us :


ನಾವು ಸೋಂಕಿತರಲ್ಲ ಶಂಕಿತರು ಮಾತ್ರ. ಸ್ವಚ್ಚತೆಯೇ ಇಲ್ಲದ ಹಾಸ್ಟೆಲ್ ನಲ್ಲೇ ಇದ್ದರೆ ಸೋಂಕು ಗ್ಯಾರಂಟಿ ! ಪ್ರಥಮ ಸಂಪರ್ಕಿತರ ಅಳಲು

Posted Date: 30 Jun, 2020

ನಾವು ಸೋಂಕಿತರಲ್ಲ ಶಂಕಿತರು ಮಾತ್ರ. ಸ್ವಚ್ಚತೆಯೇ ಇಲ್ಲದ ಹಾಸ್ಟೆಲ್ ನಲ್ಲೇ ಇದ್ದರೆ ಸೋಂಕು ಗ್ಯಾರಂಟಿ ! ಪ್ರಥಮ ಸಂಪರ್ಕಿತರ ಅಳಲು

ಚನ್ನಪಟ್ಟಣ:ಜೂ/೩೦/೨೦/ಮಂಗಳವಾರ. ತಾಲ್ಲೂಕಿನ ಚಕ್ಕೆರೆ ಗ್ರಾಮದ ಹೊರವಲಯದಲ್ಲಿರುವ ನವೋದಯ ವಸತಿಯುತ ಶಾಲೆಯಲ್ಲಿ ಹತ್ತು ಮಂದಿ ಶಂಕಿತರನ್ನು ಇರಿಸಲಾಗಿದೆ. ಆದರೆ ಹಾಸ್ಟೆಲ್ ನ ಸ್ಥಿತಿಯನ್ನು ನೋಡಿದರೆ ನಮಗೆ ಸೋಂಕಿತರಿಂದ ಬರದ ಕೊರೊನಾ ಹಾಸ್ಟೆಲ್ ನ ಅಶುಚಿತ್ವದಿಂದ ಬರುತ್ತೇನೋ ಎಂಬ ಭಯ ಕಾಡುತ್ತಿದೆ ಎಂದು ಅಲ್ಲಿನ ಶಂಕಿತರು ದೂರವಾಣಿ ಮೂಲಕ ತಮ್ಮ ಅಳಲನ್ನು ತೋಡಿಕೊಂಡಿರುವುದು ತಾಲ್ಲೂಕು ಆಡಳಿತದ ಬಗ್ಗೆ ಬೇಸರ ಉಂಟಾಗುವಂತೆ ಮಾಡಿದೆ.


ತಾಲ್ಲೂಕಿನಲ್ಲಿ ಕೊರೊನಾ (ಕೋವಿಡ್-೧೯) ಸೋಂಕಿತರ ಸಂಖ್ಯೆ ದಿನೇದಿನೇ ಹೆಚ್ಚಾಗುತ್ತಿದೆ. ಒಬ್ಬ ವ್ಯಕ್ತಿಯ ಪ್ರಥಮ ಸೋಂಕಿತರ ಸಂಖ್ಯೆ ಕನಿಷ್ಠ ಒಂದರಿಂದ ಹತ್ತು ಸಂಖ್ಯೆಗಳನ್ನು ಮೀರುತ್ತಿದೆ. ಈ ರಂಪಾಟದಿಂದಲೇ ಹೊನ್ನನಾಯಕನಹಳ್ಳಿ ವಸತಿ ಶಾಲೆಯಲ್ಲಿ ಜಾಗ ಸಾಲದೇ ಚಕ್ಕೆರೆ ಗ್ರಾಮದ ಹೊರವಲಯದಲ್ಲಿರುವ ನವೋದಯ ವಸತಿ ಶಾಲೆಗೆ ಇದೇ ತಿಂಗಳ ೨೫ ನೇ ತಾರೀಖಿನಿಂದ ಶಂಕಿತರನ್ನು ಇರಿಸಲಾಗಿದ್ದು ಇಂದಿಗೆ ಹತ್ತು ಮಂದಿ ಶಂಕಿತರು ಇಲ್ಲಿದ್ದಾರೆ.


ಸ್ವಚ್ಚತೆ ಇಲ್ಲದ ಕೊಠಡಿಗಳು, ಹುಳುಗಳಿರುವ ಶುದ್ಧ ಕುಡಿಯುವ ನೀರು (Water Filter) ಎಲ್ಲೆಂದರಲ್ಲಿ ಬಿದ್ದಿರುವ ಕಸದ ರಾಶಿ, ತಳವಿಲ್ಲದ ಹಾಗೂ ಗಬ್ಬು ಹಿಡಿದಿರುವ ಕಸದ ಡ್ರಮ್ (Dust Bin) ಟಾಯ್ಲೆಟ್ ಗೆ ಹೋಗಲು ಹಿಂಜರಿಯುವಂತೆ ಮಾಡುವ ಟಾಯ್ಲೆಟ್ ರೂಂಗಳು ಹೀಗೆ ಎಲ್ಲಿಯೂ ಸ್ವಚ್ಚತೆ ಇಲ್ಲ. ನಾವು ಶಂಕಿತರೇ ವಿನಹ ಸೋಂಕಿತರಲ್ಲ. ನಮಗೆ ಕೊರೊನಾ ಅಥವಾ ಬೇರೆ ಯಾವುದೇ ಖಾಯಿಲೆ ಬಂದರೂ ಇಲ್ಲಿಂದಲೇ ಎಂದು ಶಂಕಿತರು ತಮ್ಮ ಅಳಲನ್ನು ತೋಡಿಕೊಂಡಿದ್ದಾರೆ.


ತಾಲ್ಲೂಕು ಆಡಳಿತ ಅನಾಹುತವಾಗುವ ಮೊದಲೇ ಎಚ್ಚೆತ್ತುಕೊಂಡು, ಯಾವ ಇಲಾಖೆಯ, ಯಾವ ಅಧಿಕಾರಗಳಿಗೆ ಏನೇನು ಕೆಲಸ ವಹಿಸಿದ್ದಾರೋ, ಆ ಕೆಲಸವನ್ನು ಮಾಡುವಂತೆ ತಾಕೀತು ಮಾಡಲಿ. ರೋಗಿಯ ವಿರುದ್ದ ಕೆಲಸ ಮಾಡುವವರ ಮೇಲೆ ಶಿಸ್ತು ಕ್ರಮ ಕೈಗೊಳ್ಳಬೇಕಾಗಿದೆ. ಅದರಲ್ಲೂ ಹಾಸ್ಟೆಲ್ ನ ಸ್ವಚ್ಚತೆಯ ಕೆಲಸ ಆಯಾಯ ಪಂಚಾಯತಿಯ ಪಿಡಿಓ ಗೆ ಸಂಬಂಧಿಸಿದ್ದು, ಐದು ದಿನಗಳಾದರೂ ಸ್ವಚ್ಚತೆ ಮಾಡಿಸದ ಅವರ ವಿರುದ್ದ ತಾಲ್ಲೂಕು ಆಡಳಿತವು ಸೂಕ್ತ ಕಾನೂನು ಕ್ರಮ ಕೈಗೊಳ್ಳುವ ಮೂಲಕ ಉಳಿದವರಿಗೆ ಎಚ್ಚರಿಕೆ ನೀಡಬೇಕಾಗಿದೆ.


ನಾವು ರೋಗದ ವಿರುದ್ದ ಹೋರಾಡಬೇಕೆ ವಿನಹ ರೋಗಿಯ ವಿರುದ್ದ ಅಲ್ಲಾ ಎನ್ನುವ ಸರ್ಕಾರದ ಧ್ಯೇಯ ವಾಕ್ಯವನ್ನು ಪರಿಪಾಲಿಸುವ ಮೂಲಕ ನಮ್ಮ ಆರೋಗ್ಯದ ಬಗ್ಗೆ ಕಾಳಜಿ‌ವಹಿಸಲಿ ಎಂದು ಶಂಕಿತರು ತಾಲ್ಲೂಕು ಆಡಳಿತಕ್ಕೆ ನಮ್ಮ ಪತ್ರಿಕೆಯ ಮೂಲಕ ಮನವಿ ಮಾಡಿಕೊಂಡಿದ್ದಾರೆ.


ಗೋ ರಾ ಶ್ರೀನಿವಾಸ...

ಮೊ:9845856139.

ಪ್ರತಿಕ್ರಿಯೆಗಳು

  • ನಿಮ್ಮ ಅಭಿಪ್ರಾಯ ತಿಳಿಸುವಲ್ಲಿ ನೀವು ಮೊದಲಿಗರಾಗಿ.

ನಿಮ್ಮ ಅಭಿಪ್ರಾಯಗಳನ್ನು ಬರೆಯಿರಿ/ತಿಳಿಸಿ.

Top Stories »  


Top ↑