Tel: 7676775624 | Mail: info@yellowandred.in

Language: EN KAN

    Follow us :


ಬಮೂಲ್ ಕ್ಷೇತ್ರದಲ್ಲಿ ಜೆಡಿಎಸ್ ನ ಜಗಳದ ಲಾಭ ಪಡೆಯಲು ಮುಂದಾದ ಸಿಪಿವೈ ! ?

Posted Date: 28 Apr, 2019

ಬಮೂಲ್ ಕ್ಷೇತ್ರದಲ್ಲಿ ಜೆಡಿಎಸ್ ನ ಜಗಳದ ಲಾಭ ಪಡೆಯಲು ಮುಂದಾದ ಸಿಪಿವೈ ! ?

ಚನ್ನಪಟ್ಟಣ: 28/4/2019 ಭಾನುವಾರ; ಕಳೆದ ಐದು ವರ್ಷಗಳಲ್ಲಿ ಅಧಿಕಾರಕ್ಕಾಗಿ ನ್ಯಾಯಾಲಯಕ್ಕೆ ಅಲೆದಾಡಿ ತಮ್ಮ ಸ್ವಾರ್ಥಕ್ಕೆ ಹೈನುಗಾರರನ್ನು ಬಲಿಕೊಟ್ಟವರ ವಿರುದ್ದ, ರೈತರ ಮತ್ತು ಹೈನುಗಾರಿಕೆ ಪರ ಕೆಲಸ ಮಾಡುವ ಒಬ್ಬ ಬೆಂಬಲಿಗನನ್ನು ಬಮೂಲ್ ಚುನಾವಣೆÀಗೆ ಸ್ಪರ್ಧಿಸಲು ಸಜ್ಜುಗೊಳಿಸಲಾಗುವುದು ಎಂದು ಮಾಜಿ ಅರಣ್ಯ ಸಚಿವ ಸಿ ಪಿ ಯೋಗೇಶ್ವರ್ ಬಹಿರಂಗವಾಗಿ ತಿಳಸಿದರು.

ಅವರು ಚನ್ನಪಟ್ಟಣದ ಸಾತನೂರು ರಸ್ತೆಯ ಸುಣ್ಣಘಟ್ಟ ಗ್ರಾಮದ ಬಳಿ ಇರುವ ತಮ್ಮ ಬಹುದೊಡ್ಡ ನಿವೇಶನದಲ್ಲಿ ತಮ್ಮ ಬೆಂಬಲಿಗರು ಮತ್ತು ತಾಲ್ಲೂಕಿನ ಕೆ¯ವು ಹಾಲು ಉತ್ಪಾದಕರ ಸಹಕಾರ ಸಂಘದ ಮತದಾರ ಪದಾಧಿಕಾರಿಗಳನ್ನು ಕುರಿತು ಮಾತನಾಡಿದರು.

ಮಾಜಿ ಜಿಲ್ಲಾ ಪಂಚಾಯಿತಿ ಅಧ್ಯಕ್ಷ, ಹಾಗೂ ಸಿ ಪಿ ಯೋಗೆಶ್ವರ್ ಸಹೋದರ ಸಿ ಪಿ ರಾಜೇಶ್ ರವರನ್ನು ಬಮೂಲ್ ಕಣಕ್ಕೆ ಇಳಿಸುವ ಇಂಗಿತವನ್ನು ಬೆಂಬಲಿಗ ಆರ್ ಎನ್ ಮಲವೇಗೌಡ ರ ಬಾಯಲ್ಲಿ ಹೇಳಿಸಿದರೇ ವಿನಹ ನನ್ನ ತಮ್ಮನೇ ಅಭ್ಯರ್ಥಿ ಎಂದು ಹೇಳದೆ ಮತ್ತೊಮ್ಮೆ ಸಭೆ ಕರೆದು ಚರ್ಚಿಸಿ ಸೂಕ್ತ ಅಭ್ಯರ್ಥಿಯನ್ನು ಕಣಕ್ಕೆ ಇಳಿಸುವುದಾಗಿ ಚಾಣಾಕ್ಷ ತನ ಮೆರೆದರು.


ಬಮೂಲ್ ಗೆ ಪೈಪೋಟಿ ನೀಡಲು ಈಗಾಗಲೇ ಸಜ್ಜಾಗಿರುವ ಜೆಡಿಎಸ್ ಪಕ್ಷದ ಎಸ್ ಲಿಂಗೇಶ್ ಕುಮಾರ್ ಮತ್ತು ಜಯಮುತ್ತು ರವರಗಿಂತ ಹೆಚ್ಚಾಗಿ ಮುಖ್ಯಮಂತ್ರಿ ಕುಮಾರಸ್ವಾಮಿ ಹಾಗು ಡಿ ಕೆ ಸಹೋದರರಿಗೆ ತಮ್ಮ ಮಾತಿನ ಮೂಲಕ ಟಾಂಗ್ ನೀಡಿದರು, ಇದೆ ವೇಳೆ ಬಿಜೆಪಿ ಪಕ್ಷದ ತಾಲ್ಲೂಕು ಅಧ್ಯಕ್ಷ ಆನಂದಸ್ವಾಮಿ ಮಾತನಾಡಿ ಈ ಇಬ್ಬರನ್ನು ಸೋಲಿಸುವ ಮೂಲಕ ನಮ್ಮ ಅಭ್ಯರ್ಥಿಯನ್ನು ಗೆಲ್ಲಿಸಬೇಕೆಂದರು.


ಬೆಳಿಗ್ಗೆ ಹನ್ನೊಂದು ಗಂಟೆಗೆ ಜರುಗಬೇಕಿದ್ದ ಸಭೆಯು ಸುಮಾರು ಎರಡು ಗಂಟೆ ತಡವಾಗಿ ಪ್ರಾರಂಭವಾಯಿತು, ಬೆಳಿಗ್ಗೆಯಿಂದಲೂ ಪೆಂಡಾಲ್ ಮತ್ತು ಮಾಂಸದೂಟದ ಮೇಲುಸ್ತುವಾರಿ ವಹಿಸಿದ್ದ ಸಿ ಪಿ ರಾಜೆಶ್ ವೇದಿಕೆಯಿಂದ ಅಂತರ ಕಾಯ್ದುಕೊಂಡಿದ್ದದ್ದು ಅವರಿಬ್ಬರ ಚುನಾವಣಾ ತಂತ್ರಗಾರಿಕೆಗೆ ಸಾಕ್ಷಿಯಾಗಿತ್ತು.

ಚನ್ನಪಟ್ಟಣ ತಾಲ್ಲೂಕಿನಾದ್ಯಂತ 164 ಹಾಲು ಉತ್ಪಾದಕರ ಸಹಕಾರ ಸಂಘಗಳಿದ್ದು ಹಲವಾರು ಅಡೆತಡೆಗಳ ಕಾರಣ 43 ಸಂಘಗಳು ಮತದಾನದ ಹಕ್ಕು ಕಳೆದುಕೊಂಡಿದ್ದವು, ಕಳೆದ ವಾರ ಜಯಮುತ್ತು ನೇತೃತ್ವದ ತಂಡವು ನ್ಯಾಯಾಲಯದಲ್ಲಿ ವಾದಿಸಿ ವiತ್ತೆ 15 ಸಂಘಗಳು ಮತದಾನ ಮಾಡುವಂತೆ ಆದೇಶ ತರುವಲ್ಲಿ ಸಫಲರಾಗಿದ್ದು ಇನ್ನೂ 28 ಸಂಘಗಳು ಮತದಾನದಿಂದ ದೂರ ಉಳಿಯಲಿವೆ.

ಕಳೆದ ವಿಧಾನ ಸಭೆಯಲ್ಲಿ ಜೆಡಿಎಸ್ ನ ಇಬ್ಬರೂ ನಾಯಕರೂ ಗೆಲುವಿಗೆ ಕೈ ಜೋಡಿಸಿದ್ದರಿಂದ ಬಮೂಲ್ ಗೆ ಯಾರನ್ನು ಬೆಂಬಲಿಸಬೇಕೆಂಬ ಗೊಂದಲದಲ್ಲಿರುವ ಪಕ್ಷದ ವರಿಷ್ಠರು ಸಮರ್ಥರಿರುವವರು ಗೆದ್ದು ಬರಲಿ ಎಂದು ತಟಸ್ಥ ನಿಲುವು ತಳೆಯುತ್ತಾರೆ ಎಂದು ಬಲ್ಲ ಮೂಲಗಳು ತಿಳಿಸಿವೆ,

ಒಂದು ವೇಳೆ ಜೆಡಿಎಸ್ ನಿಂದ ಲಿಂಗೇಶಕುಮಾರ ಮತ್ತು ಜಯಮುತ್ತು ಇಬ್ಬರೂ ಸ್ಪರ್ಧಿಸಿ ಸಿ ಪಿ ರಾಜೇಶ್‍ರವರೂ ಸ್ಪರ್ಧಿಸಿದರೆ ಸಂಘಗಳ ಮತದಾನ ಮಾಡುವ ಪ್ರಜೆಯು ನಿಜವಾಗಿಯೂ ಪ್ರಭು ವಾಗುವುದರಲ್ಲಿ ಅನುಮಾನವೇ ಇಲ್ಲ.


ಗೋ ರಾ ಶ್ರೀನಿವಾಸ...

ಮೊ; 9845856139.



ಪ್ರತಿಕ್ರಿಯೆಗಳು

  • ನಿಮ್ಮ ಅಭಿಪ್ರಾಯ ತಿಳಿಸುವಲ್ಲಿ ನೀವು ಮೊದಲಿಗರಾಗಿ.

ನಿಮ್ಮ ಅಭಿಪ್ರಾಯಗಳನ್ನು ಬರೆಯಿರಿ/ತಿಳಿಸಿ.

Top Stories »  


Top ↑