Tel: 7676775624 | Mail: info@yellowandred.in

Language: EN KAN

    Follow us :


ರಾಮನಗರದ ಟಿಪ್ಪು ನಗರದಲ್ಲಿ ಎರಡು ಸಜೀವ ಬಾಂಬ್ ಗಳು ಪತ್ತೆ

Posted Date: 27 Jun, 2019

ರಾಮನಗರದ ಟಿಪ್ಪು ನಗರದಲ್ಲಿ ಎರಡು ಸಜೀವ ಬಾಂಬ್ ಗಳು ಪತ್ತೆ

ತ್ತೀಚಿಗೆ ದೊಡ್ಡಬಳ್ಳಾಪುರದಲ್ಲಿ ಸಿಕ್ಕಿ ಬಿದ್ದ *ಬಾಂಗ್ಲಾದೇಶ* ಮೂಲದ ಶಂಕಿತ ಉಗ್ರ *ಹಬೀಬ್‌ವುಲ್ಲಾ* ನೀಡಿದ ಮಾಹಿತಿಯ ಮೇರೆಗೆ *ಎನ್ ಐ ಎ ಮತ್ತು ಐಬಿ ಅಧಿಕಾರಿಗಳು*  

ನಗರದಲ್ಲಿ ಎರಡು  ಕಚ್ಚಾ ಬಾಂಬ್‌ಗಳನ್ನು ಪತ್ತೆ ಹಚ್ಚಿದ್ದಾರೆ.


ನಗರದ ಯಾರಬ್‌ನಗರದ ಬಳಿ ಇರುವ ಸೀರಹಳ್ಳದಲ್ಲಿ ಎರಡು ಕಚ್ಚಾ ಬಾಂಬ್  ಪತ್ತೆಯಾಗಿವೆ. ಆದರೆ  

ಅವು ಜೀವಂತವೇ ಅಥವಾ ನಿಷ್ಕ್ರಿಯ ಬಾಂಬ್ ಗಳೇ ಎಂಬುದನ್ನು ಅಧಿಕಾರಿಗಳು ಸ್ಪಷ್ಟಪಡಿಸಲಿಲ್ಲ. ಸ್ಥಳಕ್ಕೆ ಶಂಕಿತ 

ಉಗ್ರ ಹಬೀಬುಲ್ಲಾ ನನ್ನು ಕರೆತರಲಾಗಿದ್ದು. ಸೀರಹಳ್ಳ ಮತ್ತು ಅದರ  ಸುತ್ತಮುತ್ತ  

ಬಾಂಬ್‌ಗಳು ಇನ್ನಿತರ ಕಚ್ಚಾವಸ್ತುಗಳಿಗಾಗಿ ಸುಮಾರು ೫ ಗಂಟೆಗಳಿಗೂ ಹೆಚ್ಚು ಕಾಲ ಜೊಂಡು, ಪೊದೆ, ಬೇಲಿ ಇನ್ನಿತರ

ಗಿಡಗಂಟಿಗಳ ನಡುವೆ  ಶೋಧ ನಡೆಸಿದರು.


ಒಟ್ಟು ಆರು ಕಚ್ಚಾ ಬಾಂಬ್‌ಗಳನ್ನು  ಇಲ್ಲಿ  

ಎಸೆದಿರುವಾಗಿ ಶಂಕಿತ ಉಗ್ರ ಹೇಳಿಕೆ ನೀಡಿದ್ದ ಎನ್ನಲಾಗಿದ್ದು, ಎರಡು ಕಚ್ಚಾ ಬಾಂಬ್‌ಗಳು  ಪತ್ತೆಯಾಗಿವೆ.

ಕಳೆದ ವರ್ಷ ಆಗಸ್ಟ್ ತಿಂಗಳಲ್ಲಿ ಶಂಕಿತ ಉಗ್ರ ಮುನೀರ್‌ನನ್ನು ಎನ್.ಐ.ಎ ಅಧಿಕಾರಿಗಳು 

ಪತ್ತೆ ಹಚ್ಚಿದ್ದರು. ಎನ್ ಐ ಎ ಅಧಿಕಾರಿಗಳು ಮುನೀರನನ್ನು ವಶಕ್ಕೆ ಪಡೆದುಕೊಂಡಿದ್ದು ಆಗ ಆತನೊಂದಿಗೆ ಇದ್ದ ಆತನ ಪತ್ನಿ ಮತ್ತು ಹತ್ತಿರದ ಸಂಬಂಧಿ ಹಬೀಬುಲ್ಲಾ 

ಪರಾರಿಯಾಗಿದ್ದರು.


ಪರಾರಿಯಗುವ ವೇಳೆ ಹಬೀಬುಲ್ಲಾ  ತನ್ನ ಬಳಿ ಇದ್ದ ಬಾಂಬ್‌ಗಳು 

ಮತ್ತು ಕಚ್ಚಾ ವಸ್ತುಗಳನ್ನು ಪೊದೆಯಲ್ಲಿ ಎಸೆದು ಪಕ್ಕದಲ್ಲೇ ಇರುವ ರೈಲು ನಿಲ್ದಾಣದ 

ಮೂಲಕ ಪರಾರಿಯಗಿದ್ದ.


ಮಂಗಳವಾರವಷ್ಟೇ ದೊಡ್ಡಬಳ್ಳಾಪುರದಲ್ಲಿ ಹಬೀಬುಲ್ಲಾ ಪತ್ತೆಯಾಗಿದ್ದು

ಬಾಂಬ್ ಪತ್ತೆ ವಿಚಾರ ಕಾಳ್ಗಿಚ್ಚಿನಂತೆ ಹರಡಿದ ಸುದ್ದಿಯಿಂದಾಗಿ ಜನಗಳು ಬಾಂಬ್ ಪತ್ತೆಯಾದ ಸ್ಥಳದಲ್ಲಿ 

ಜಮಾಯಿಸಿದರು. ಮುಂಜಾಗ್ರತ ಕ್ರಮವಾಗಿ ಪೊಲೀಸರು ಬಂದೋಬಸ್ತ್ ಏರ್ಪಡಿಸಿ ಸಾರ್ವಜನಿಕರ ಪ್ರವೇಶಕ್ಕೆ 

ನಿರ್ಬಂಧ ಹೇರಿ, ಜನರನ್ನು ನಿಯಂತ್ರಿಸಲು ಪೊಲೀಸರನ್ನು ನಿಯೋಜಿಸಲಾಗಿತ್ತು.

ಸ್ಥಳಕ್ಕೆ *ಎಸ್‌ಪಿ ಚೇತನ್ ಸಿಂಗ್ ರಾಥೋಡ್* ಭೇಟಿ ನೀಡಿದ್ದರು.


*ಮುಂಜಾಗ್ರತಾ ಕ್ರಮಕ್ಕೆ ಶಾಸಕಿ ಅನಿತಾ ಕುಮಾರಸ್ವಾಮಿ ಸೂಚನೆ*


ರಾಮನಗರದಲ್ಲಿ  ಸ್ಪೋಟಕಗಳು  ಪತ್ತೆಯಾದ ಹಿನ್ನೆಲೆಯಲ್ಲಿ  ಶಾಸಕಿ ಅನಿತಾ ಕುಮಾರಸ್ವಾಮಿ ದೂರವಾಣಿ ಮೂಲಕ ಎಸ್ಪಿ ಚೇತನ್ ಸಿಂಗ್ ರಾಥೋಡ್ ಅವರಿಗೆ  ಕರೆ ಮಾಡಿ ಮಾಹಿತಿ ಪಡೆದುಕೊಂಡಿದ್ದಾರೆ.

ಮುಂಜಾಗ್ರತಾ ಕ್ರಮಗಳನ್ನು ಕೈಗೊಳ್ಳುವಂತೆ ಅವರು ಎಸ್ಪಿಯವರಿಗೆ ಸೂಚನೆ ಕೊಟ್ಟಿದ್ದಾರೆ.


ಆಶಾಂತಿ ಉಂಟಾಗಲು ಬಿಡಬೇಡಿ ಎಂದು ಸಲಹೆ ನೀಡಿದ ಅವರು ಅಶಾಂತಿ ಉಂಟು ಮಾಡುವವರ ವಿರುದ್ದ 

ನಿರ್ದಾಕ್ಷಿಣ್ಯವಾಗಿ ಕ್ರಮ ಕೈಗೊಳ್ಳುವಂತೆ ಮತ್ತು ಪ್ರತಿ ವಾರ್ಡುಗಳಲ್ಲಿ ಪೊಲೀಸ್ ಗಸ್ತನ್ನು ಹೆಚ್ಚಿಸುವಂತೆ ತಿಳಿಸಿದ್ದಾರೆ. ದುಷ್ಕರ್ಮಿಗಳಿಗೆ ನೆರವು-ಸಹಕಾರ ನೀಡುವವರ ಬಗ್ಗೆಯೂ 

ನಿಗಾವಹಿಸುವಂತೆ ಅವರು ತಿಳಿಸಿದ್ದಾರೆ.


ರಾಮನಗರದಲ್ಲಿ ದುಷ್ಠ ಶಕ್ತಿಗಳು ತಲೆ ಎತ್ತಲು ಅವಕಾಶ ಇಲ್ಲ, ಆ ದುಷ್ಟ ಶಕ್ತಿಗಳನ್ನು ಮಟ್ಟ ಹಾಕಲು ಸೂಕ್ತ ಕಾನೂನು ಕ್ರಮ ಕೈಗೊಳ್ಳುವುದಾಗಿ  ಅವರು ತಿಳಿಸಿದ್ದಾರೆ.


ಗೋ ರಾ ಶ್ರೀನಿವಾಸ...

ಮೊ:9845856139.

ಪ್ರತಿಕ್ರಿಯೆಗಳು

  • ನಿಮ್ಮ ಅಭಿಪ್ರಾಯ ತಿಳಿಸುವಲ್ಲಿ ನೀವು ಮೊದಲಿಗರಾಗಿ.

ನಿಮ್ಮ ಅಭಿಪ್ರಾಯಗಳನ್ನು ಬರೆಯಿರಿ/ತಿಳಿಸಿ.

Top Stories »  


Top ↑